İron və İndoneziya miyono əloğəon.

İron və İndoneziya xarıci vəziron bə 2 tərəfi əloğəon hevujəti və nığıləti zəruriyati təkid kardışone.

Bə İrib raporti əsos ımruj Cakartaədə İroni xarıci vəzir Muhəmməd Cəvad Zərif iyən İndoneziya xarıci vəzir Xanom Retno Mərsodi 2 qılə kişvəri miyono əloğəon miğdor, rəsmi şəxson siyasi- iğtisodi səfər, iyən parlament həmkarion barədə ıştə rizoyəti elan kardışone.

Im vindemonədə islamdınyo məsələon xusosi Fələstin, məntəğə mıvzoon, islamiyə həmkari Liqa çərçivədə bıə əloğəon ijən beynəl xalğ təşkilaton ğalibədə muzakirə və siyasi votımonon barədə nəzəon bəyon bin.

Mıştərik xəbə iclosədə həm 2 tərəf bə Fələstin, Fars dıyo, Asiya ğərb və ətomiyə muğavilə barədə bıə həmohənq nəzər təkid kardışone.

İroni xarıci vəzir zinə şəv de ali heyəti bə i co və de İndoneziya rəsmi şəxson vindemon karde xoto Banqeladışiku bə Cakarta varid be.

İroni fəalə diplomatik strateqiyaon çərçivədə Muhəmməd Cəvad Zərif təğribən dəvardə 20 ruji mıddətədə bə 12 qılə kişvər səfərış karde.