İron və məntəğəku Koronavirusi barədə oxonə xəbəon.

İroni səhiyyə vəzarətxonə İronədə 145 həzo nəfər bə Koronavirusi mıbtəlo bıə kəson çok beyku xəbəş do.

Bə oxonə raporti əsos ısət İronədə bə 183 həzo nəfər nezi Korona qəteşone ki çəvonku de təəssufi 8659 nəfər mardən.

İronədə todə ısət 1200000 nəfər Koronavirusi xoto analiz doeşone və muainə bıən.

Əmmo məntəğəku oxonə xəbəon jıqo hikayət kardedə ki tosə ısət Fələstin işğali əraziədə bə 19 həzo nəfər, Hindıstanədə bə 300 həzo nəfər iyən Əfğanıstanədə bə 23 həzo nəfər nezi Korona qəteşone.

Virusi kontrol karde xoto Karantin şərayeti peqəte çərçivədə həm xəbə ome ki Tırkiyə məvoji ıştə həmmə sərhəddonış o karde.

Tojədən İ Bıə Milləton Təşkilatədə İroni daimə nımoyəndə və səfir Amerkə tərəfo beynəl xalğ təşkilaton xusosi dınyo səhiyyə təşkilati bodcə ləğv karde tənğid və əlovəş karde ki jıqonə siyasəton dınyo və bəşəriyət jimonədə mənfi təsiron bois bıdə boçi ki de Koronavirusi mubarizə barde meydonədə milli, reqiyonal və beynəl xalğ zərfiyəton məhdudəkəy.

Dınyoədə tosə ısət bə 8 milyon nəfər nezi Koronavirusi qəteşone.