Burucerdi:İsveçrə Cenevrədə bıə diplomatiyə,çe məydoni ğoyməti təmoməkəy

İroni İslomi Şura Məclisi Milli Əmniyyət Komissiyə uzvi de bə İslomobodi memorandumədə İroni bo amerkə təəhhudon icro təğibiro bə Cenevrə şeyə mızokirəkə komandə işorə kardə holədə,təkidış kardə ki,amerkə bəpe sehyonist rejimi kontrol bıko iyən Livanədə çəy cinoyəton oqəteyro qıləy qəm peqəto,votəşe:Bə Livani əmniyyəti iyən bə Mığoviməti cəbhə harcurnə ziyon rosney,bo İroni milli mənafero qıləy sərostə təhdide.

Bə Pars-Tudey bə Tele-Rədyo Aqentəti istinodən doə məlumoti əsos,İroni İslomi Şura Məclisi Milli Əmniyyət Komissiyə uzv Əlauddin Burucerdi de bə İslomobodi memorandumədə İroni bo mığobil tərəfi təəhhudon icro təğibiro bə İsveçrə Cenevrə şəhri şeyə mızokirəkə komandə işorə kardə holədə,təkidış kardə:amerkə bəpe çe ğeyri-ğanuniyə sehyonist rejimi kontrol bıko iyən çəvon Livanədə bıə cinoyəton vəy qəteyro bıə təəhhudon ğəbul bıkon.çıro ki,bə İslomobodi memorandumi 1-ə bəndi əsos ki,çe amerkə prezdent donald trampi ıştən əvış imzo kardə,amerkə rəsmən bəştə ehdəş peqətə be ki,həmmə ərsəonədə,ə cumlə Livanədə hiç curnə hərbi əməliyyoton bə əməl nibome. Burucerdi təkidış kardə:sehyonist rejimi cinoyəton dəvom pəydo kardey,de hiç qıləy vəchi ğəbul bıənin ni.bə həmonə dəlili xoto İslomi İnğılobi Xandi kardə Sepah de qıləy inğılobi hərəkəti və çəy zəmonədə, Hormozi tanqəş sənibəton bastışe ta bo amerkə iyən sehyonist rejimi qıləy ruşinə mesaj bıvğando.ın hərəkət ımi nışon doydə ki,əmə çe memorandumi icor koyədə ciddimon və icozə nibədomon çəmə milli əmniyyət ki,de Livani iyən de Mığoviməti cəbhə coqlə uzvon milli əmniyyəti anqıl qıniyə,bə ziyoni dıço bıbu.