Çe trampi proyekti sayədə “Albaniyə həvatənin ni”fəryod

Albaniyə poytaxt Tirana şəhrədə çandə həzo nəfər inson oxonə soronədə deştə bərpo kardə həmməysə dıjdə etırozinə mitinqi bə Albaniyə mıhofizə bıə məntəğəonədə luksə villa və iğomətqoon soxtey etıroz kardero bə kuçə iyən xiyobonon omən.

Qıləy proyekt ki,bə amerkə prezdent donald trampi xıyzoni məxsuse iyən ısət bə korrupsiyəku noroziyəti iyən şəffofiyyəti nıbey simvoli təbdil bıə.Bə Pars-Tudey bə İrna nəğli əsos,Albaniyədə çandə həzo nəfər etırozəkə inson dəvardə şambə ruji çın kişfəri poytaxt Tirana şəhrədə etırozinə mitinq dəəvordınəşone.çe dəvardə mayə manqi sıftəku etırozəkəyon ha şəv kuçə və xiyobononədə cəm beydən və bə donald trampi kinə ivanka iyən bəçəy şuyə cerad kuşneri luksə hotel soxtey ko ıştə mıxolifəti nışon doydən.etırozəkəyon çe Albaniyə sərvəzir İdi Rama istefoşon həm tələb kardə.