Xətibzadə: İroni silah məhdodiyəton oktiyabri 18 minnə ruji bə oxo bərəse.

İroni xarici koon vəzorətxonə sıxanəvot,İroni canqiyə təchizaton ixracat və idxal kardeyu icazə tələb karde nizomi oktiyabri 18 minnə ruji bə oxo rəseku xəbəş do

İroni xarici koon vəzorətxonə sıxanəvot,İroni canqiyə təchizaton ixracat və idxal kardeyu icazə tələb karde nizomi oktiyabri 18 minnə ruji bə oxo rəseku xəbəş do.

İroni xarici koon vəzorətxonə sıxanəvot Səid Xətibzadə zinə xəbəriyə iclosədə votışe: oktiyabri 18 minnə ruj Amerkə məğlob be ruje və əlavəş karde oktiyabri 18 minnə ruj silah ixracat və idxal kardeyu icazə tələb karde nizom ləğv bəbe və 23 qılə şəxsi səfər karde məhdodiyət həm peqətə bəbe.

Xətibzadə əlavəş karde Amerkə dıştə həmmə ğoldorəti,hilləqərəti və ğanoniku bə kənoə hərəkəton zınəş ni heç ko bə nav barde və  İron ijən nışonış do ki Amerkə jəqo həm ki elan  kardə zumandətiş ni.

İroni xarici koon vəzorətxonə sıxanəvoti votışe:  İron qıləy məsuliyət ğəbul bıkə devləti nomo beynəlxalğə sulh və əmniyyəti qarant kardedə və ə çi ki omə haftə İroni silah sanksiyaon ləğv beədə təşkil bəbe çı əsliku xaric ni.

Xətibzadə Amerkə sərzəminiku bə kənoə sanksiyaonış silah məhdodiyətonku qıləy coə məsələş zınə və əlavəş karde ım hərəkəton bə informasiya zid iyən təbliğatinə hərəkəte və jıqo bə nəzər rəsedə ıştə təşkil doə hərəkətonku  cəvobış sə ni və bə şitiyəti rəsən.

İroni xarici koon vəzorətxonə sıxanəvot eyne holədə İroni nati de sanksiya dim bə dim kardeədə bə Amerkə hərəkəton işarə kardeədə votışe: Amerkə hanəndə həm vində nıbı İroni nati həvate vəy qəteyu çəy cəhdon bə nəticə nırəson və İron karde bızno  xəyli məmləkətonədə ıştə ko bə nav bıbə.

Xətibzadə İron və İnqiltərə xarici koon vəziron telefoniyə  muzakirə və Nazənin Zağəri həxədə Tehroni Londoniku tələbon həxədə votışe: İnqiltərə bə İron  ğətiyə ğarzış heste və ha ruj həm ım ğarz bə domo eqıne xoto ve bedə.

İroni xarici koon vəzorətxonə sıxanəvoti votışe: Zağəri məhkəmə hıkmış heste və əlavəş karde  İroni məhkəmə təşkilat mıstəğille və Nazənin Zağəri həm bə məhkəmə hıkmi əsosi ıştə məhkomiyəti dəvonedə.

Nazənin Zağəri ki Tamson Royterz mediyaiyə şirkətdə nəbə mudiri nomo fəaliyət kardə be 2016 minnə sori apreli 4 nə ruji cəsusəti itihamədə İronədə dastqir və bə həbs məhkum be.