İron iyən Ermənistoni miyono ticari əloğəon inkişofi muğavilə.

İron iyən Ermənistoni miyono ticari əloğəon inkişofi muğavilə imzo bıə.

Bə İrib raporti əsos, İroni sənaye, mədən və ticarət vəzir Əlirıza Rəzmhuseyni zinə şəv İron iyən Ermənistoni miyono ticari əloğəon inkişofi muğavilə imzo bey bəpeşt votışe: bə Erməniston İroni ixracat 300 milyon dollare ki ım muğavilə imzo bey karde bəzne çəy bəpe bardeyro komək ko.

Rəzmhuseyni mədən, xorək və kə təchizaton bənə mınosib fırsəti bə hisobış varde ki 2 qılə kişvəri taciron həmkarəti inkişofiro mıtəğabil zəminəon icod bəkay.

Ermənistoni iğtisod vəzir Vahan Kərobian həm bə İron iyən Ermənistoni miyono bıə 2 tərəfi əloğəon inkişofi işarəş karde və votışe: Erməniston karde bəzne ıştə ticarət imkanati bo İroni taciron fəaliyətiro hozzo ko.

İroni mərkəzi banki rəis Əbdunnaser Hemməti həm de Ermənistoni iğtisod vəzir vindemoni cərəyonədə votışe: 2 qılə kişvəri miyono həmkari zəminəon çok bəbe iyən İron bə reqional iğtisodi əloğəon vey əhəmmiyət doydə.