Zərif: fəğət İron be ki bə ətomiyə sazışi əməlış karde.
Muhamməd Cəvad Zəzif bə ətomiyə sazışi çərçivədə Avropa və Amerkə bevəcə rəftoron işarəş karde iyən votışe: ım İron be ki fəğət bə ətomiyə sazışi əməlış karde.
Bə İrna raporti əsos, İroni xarıci vəzir ıştə tojə tuvitter mesajədə ğeydış karde: Amerkə və 3 qılə Avropa kişvəron ıştəniku çokə sima və obrazi nışo doe əvəzi bəpe bəştə əhd peymoni əməl kon.
Zərif əlovəş karde ki ətomiyə saziş qıləy komilə bərnoməy ki de 5+1 qrupi miyono muzakiron bəpeşt bə vırə rosniyəy be, əv ım sazişədə bə həmmə məsələon komil surəti işarə bıə.
Bə koşınason nəzəri əsos, Zərifi işorə bə həminə məsələy ki tojədən Amerkə İroniku tələbış karde ki ətom məsələku bə kəno İron bəpe co mıvzoon barədə hə mizi səpe muzakirə ko.
Tojədən Amerkəku 140 qılə ğanun onoə prokoror, be ım ki bə ətomiyə sazışiku Amerkə xaric bey diğğət kon xarıci vəzi Antoni Belekiniku tələb kardışone ki de İron bə qıləy komil sazışi dast peydo ko.
Ətom sazışiku Amerkə i tərəfi xaric bey bəpeşt, de şərtoni bə həminə sazışi əməl karde təkidış karde, əmmo Avropa nə ın ki bəştə qiədə bıə məsuliyəton əməlış nıkarde bəlkəm əmələn anti İron sanksiyaon xoto de vaşinqtoni həmkarətiş karde.
İron həm Fevrali 23 minnə rujiku ətom sazişədə dovtələbonə surəti əncom doə koon xususi Ətom Beynəl-Xalğ təşkilati tərəfo nəzarətonış bə parlamenti ğanuni əsos ləğvış karde.
