İnğilabi yolə rəhbər:Amerkə dandoni bıniku de islamiyə nizom deşmene.

İslami inğilabi yolə rəhbəri bə kəson ki “bımardo Amerkə” şuari istikbari de islamiyə respublika dəvomış bıə deşmenəti dəlil zındən işarəş karde və votışe: Amerkə dandoni bıniku de islamiyə nizom deşmenəti kardə çun ım nizomi milləti din və diniyə bovəonku rost bə millət zındəy.

İslami inğilabi yolə rəhbəri bə kəson ki “bımardo Amerkə” şuari istikbari de islamiyə respublika dəvomış bıə deşmenəti dəlil zındən işarəş karde və votışe: Amerkə dandoni bıniku de islamiyə nizom  deşmenəti kardə çun ım nizomi milləti din və diniyə bovəonku rost bə millət zındəy.

Bə yolə rəhbəri məlumat ərosnə mərkəzi elani əsosi Həzrət Ayətullah Xamenei ımruj de TV vositə Ğomı cəmaəti mıxtəlif baxşonədə bıə şəhrvandonədə de miladi 1978 nə sori yanvari 9(1356 dey manqi 19) ğiyami sorəqardışi mınosibəti İron İslam Respublikaş islam və islamiyə omməti hakimiyyəti simvolış zınə.

Yolə rəhbəri mıxtəlif məmləkətonədə  sınnion bə islamiyə respublika təəssıb və zumandə əlağə iyən rabitə işarəş karde və votışe:islamiyə məmləkətonədə şəhid Suleymaniku təclil karde əzəmətinə mərosim Asiya şərğ hissəku desbə Afrika ğərb  bə islamiyə Respublika meyl iyən təəssıb və islamiyə omməti himoyəonku qıləy nımonəy.

İnğilabi yolə rəhbəri şəhid Suleymani tarixiyə təşi kardeş  milləti fırsət bısoxtə ğeyrəti rost beku qıləy nımonəş zınə və votışe: ə mərosimədə İroni millət ijən ıştə vəhdət və din iyən inğilabiyə şəxsiyyətış oşko karde və əqər ə mığəddəsə şəhidi cənazə bə Suriyə, Livan və Pakistan həm əşi bənə İron və İrağı mıslmonə milləton ,əzəmətin bə çəy və beəşin.

Həzrət Ayətullah Xamenei qeneral mayor Suleymani bə şəhodət  rosneş Amerkə səhvə hison kitobon dəvomiku qıləy nımonəş zınə və əlovəş karde terroriston pidəşon be hoci Ğasımi ki qıləy əzəmətinə hərəkəti nımayəndə və simvol be arəku bıbən əmmo qeneral mayor şəhid Suleymani şəhodəti 2 minnə sorəqardışədə İroni millət və coqlə məmləkəton şəhrvandon əzəmətinə hərəkət və umumiyə eşğ və ehtırom bə ə yolə merd, Xıdavəndə xalıği dasi ğıvvədə qıləy əzəmətinə hərəkəti nışonəy və sobot kardedə ki Amerkəvıjon hisob kitob bıkə mərkəzon həğiğətən və insofən xərobin.İslami inğilabi yolə rəhbəri eyne holədə”mıstəkbiron zu əvotə deşmeni vədə təslim nıbeş” inğilabi əsosiku iborətış zınə və əlovəş karde ım ki bəzi vaxtonədə de deşmen muzakirə, suhbət və votımon bedə çəvon vədə təslim be mənoədə ni jəqo ki desbə ısət təslim bə nimon və çimi bəpeşt həm təslim nibəbemon.