İronədə Koronavirusiku oxonə xəbəron.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 167 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor həm bə 134053 nəfər rəsə.

Xəbə omə ki tojədən 25034 nəfər bə Koronavirusi mıbtəlo bıə kəs İronədə peydo bin ki çəvonku 2768 nəfəri hol-əhvol çok ni.

Im yəni İronədə tosə bə ısət 6860255 nəfər Koronavirusi qətəşoneş ki çəvonku 6351242 nəfər noxəşxonəonku mırxəs bıən.

Dınyo vey kişvəronədə bənə İron, Omikron modılış bıə Koronavirus şiddətin surəti bənə tojə pandemik şəroyeti hevuj bıə.

Bə oxonə statestikaon əsos, tosə bə ısət Covid-19 virus dınyoədə 414 milyono 436 həzo nəfəri mıbəloş kardə ki çəvonku təğribən 6 milyon nəfər ıştə coni dastiku doəşone.