İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 154 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor həm bə 137593 nəfər rəsə.

Xəbə omə ki tojədən 6470 nəfər bə Koronavirusi mıbtəlo bıə kəs İronədə peydo bin ki çəvonku 1275 nəfər ijən noxəşxonəonədən.

Im yəni İronədə tosə bə ısət 7080217 nəfər Koronavirusi qətəşoneş ki çəvonku 6709131 nəfər noxəşxonəonku mırxəs bıən.

Covid-19 virus tosə bə ısət bə 443 milyon nəfər nezi çı dınyo millətonış mıbtəlo kardə ki 6 milyon nəfər çəvonku ıştə coni dastiku doəşone.