İnğilabi yolə rəhbəri bə pokə enerjion inkişaf doe zərurəti işarəş karde.

İslami inğilabi yolə rəhbəri 2 qılə mivə do toğə kaşte bəpeştə ki do kaşte ruji mınosibəti əncom be, bə pokə enerjion inkişaf doe zərurəti işarəş karde.

İslami inğilabi yolə rəhbəri 2 qılə mivə do toğə kaşte bəpeştə ki do kaşte ruji mınosibəti əncom be, bə pokə enerjion inkişaf doe zərurəti işarəş karde.

Bə yolə rəhbəri dəftərxonə məlumat ərosnə mərkəzi elani əsosi Həzrət Ayətullah Xamenei ımruj bə pokə enerjion inkişaf doe zərurəti işarəş karde və votışe: ğeyre fosiliyə enerjion bənə atom enerji  inkişaf doe ki bəvonku istifadə karde dınyoədə ruj bə ruj ve bedə və çəmə məntəğə məmləkəton həm bə çəy tərəf hərəkət karde holədə hestin , iyən vo və həşi enerjion bəpe ciddi sorətədə diğğət mərkəzdə bıbon.

Həzrət Ayətullah Xamenei do kaşteş kamilən qıləy dini və  inğilabiyə hərəkətış zınə və votışe: əlbətdə doon oqəte və bəvonku moğət be həm ve muhimmə məsələy ki bəpe bəy diğğət bıbo.

İslami inğilabi yolə rəhbəri bəjiyə beməyonış bə ruh oroməti iyən insonon cismi oqəte və həmmə insononru har cəhətdə Xıdavəndə xalıği tərəfo rizğ və ruzi mənbəış zınə və votışe: boçimi xoto vişəon və ekoloqiya iyən beməyon arəku barde milliyə mənbəon arəku barde iyən  vişon qıləy baxşi arəku barde binaon soxte xoto ğəyrəz zəroriyə bərnamon de ğətiyyəti bə milləti ziyane.

Həzrət ayətullah Xamenei  bə ekoloqiya bənə qıləy zaheriyə məsələ iyən ətrofinə məsələ diyə karde diyəş rəd karde və ım məsələş min cumlə məmləkəti həmməysə əsosə movzoş zınə və votışe: ekoloqiyaku muhafizə kardeədə ciddiyə koonku qıleni  milləton 2 qılə əzəmətin iyən həyatiyə sərvət yəni ov iyən xoku hifz karde və isrofkoə rəftoronku bə kəno mandeye ki ım cəhətdə  məsul şəxson bəpe bə mıtəxəssison votəyon diğğət bıdən.

Zoparkiku muhafizə karde coqlə məsələ be ki islami inğilabi yolə rəhbəri  bəy diğğət nıdoeş milliyə ziyanış zınə və votışe: islamədə ovşiyəti(həyvonon kışte) fəğət  bənə xurək istifadə kardeyu ğanoni zıniyə bə və çimiku kəno ğeyre ğanoniy və həyya  ovçiyəti səfər hərum zıniyə bə boçimi əsosi  bəpe ğeyre ğanoniyə ovçiyəti vədə ciddiyə sirətədə mane təşkil karde və ekoloqiyaədə bə həyvonon hifz be diğğət bıbo.

Həzrət Ayətullah Xamenei dəvomədə ekoloqiya təşkilat iyən di təsərrufati vəzorətxonəş vəzifədo karde kaş-dev kardeyu bıə zəminon icazə nıdən coqlə istifadəonru oko doə bıbo və əlovəş karde ım ko bə milliyə foydə ziyane və ki təsərrufati zəminon bəpe inkişaf bıkən.

Yolə rəhbəri millətış bə do kaşte və çəvonku muğət be tərəf dəvətış karde və votışe: həmmə muhimmə koon bə milliyə peşt purəti ehtiyocış heste  və do kaşte həm mincumlə çı koonkuy ki həmmə odəmon karde bəznen  do kaşte və bəvonku muğət beədə və doon məhv be vəy qəteədə  ətrofədə bıə boğon iyən şəhronədə bə boğonku muhafizə kardeədə  bə məmləkəti beməyon inkişafi komək karde.