Rəisi: İron pidəşe, məntəğədə əktivə iştirok iyən roli ifo ko.

İron İslam Respublika prezident, de məntəğə kişvəron iyən hamsuyəon rabitəon bə inkişof rosniye, 13 minnə dıvləti vey muhimmə siyasətonku zıneydə.

Imruj Çoşəmbə, İron İslam Respublika prezident, Sed İbrahim Rəisi, bə Ozbəkistoni prezident Şokət Mirziyafi rəsmiyə dəvəti əsos, de siyasi və iğtisodi rəsmi şəxson heyəti bə ico, Şanxay həmkoəti təşkilati yolon iclosədə iştirokiro bə Ozbəkiston səfərış kardə.

Bə İran Peres aqentiyəti raporti əsos, Imruj Çoşəmbə Mehrabad airportədə, Sed İbrahim Rəisi ıştə səfəri bə Ozbəkistoni bənav, votışe: ım səfər rəsmiyə 2tərəfi vindemoniro və bə Ozbəkistoni prezidenti dəvət iyən Şanxay həmkoətion təşkilati yolonədə iştirokiro əncom bəbe.

Rəisi əlovəş karde: hamsuyə siyasət iyən inteqrasiya zumand kardey və multilateralizmi nığıl kardey ım səfəri hədəfonin.

İron İslam Respublika prezident ijən votışe: hamsuyəti siyasətədə və iminnə ğədəmədə karde zınəmon mıtəğabilə siyasi etımo zumand kəmon iyən 2minnə ğədəmədə məntəğədə İron İslam Respublika rol ifoəkəy və çəy əctivə iştiroki dumo bıbəmon.jəqo ki karde bəznemon Asiya və hamsuyə kişvəronədə struktoron icod kardey vositə, iğtisodi zumand, puli iyən moli sistem və ımrujnə məntəğə həmmə inkişofin və zərfiyəton de yande ğəror bıdəmon və İroni mənafero vey çokə istifodə kəmon.

Rəisi ijən işorəş karde Şanxay yolon iclosi kənoədə 2tərəfiyə vindemonon bə məntəğə rabitəon bə inkişof rosniye komək kardedə, ijən əlovəş karde: ım vindemononədə de Şanxay həmkoəti təşkilati uzv bıə kişvəron yolon, məntəğə və beynəlxalğə bə inkişof rəsey məsələon barədə sıhbət kardedəmon ta dəvardəku vey məntəğə və dınyoədə İron, rolifo ko iyən təsirış bıbu.

İron İslam Respublika prezident umidış do ki ım səfəri cəhətədə de hamsuyə kişvəron rabitəon iyən votımonon bois bəbe İron və hamsuyə iyən məntəğə kişvəron har çəxtə rabitəon zumand iyən bə nikişof bərəse.