Bə Şanxay həmkoəti Təşkilati uzv bıə kişvəron, İroni ixracati vey bey.

İroni ticarəti bə inkişof rosniye təşkilati yol, bə Şanxay həmkoəti təşkilati uzv bıə kişvəron, İroni ixracati əlovə beyku xəbəş do.

Miladi 2001 minnə sori İyolə manqi 15 minnə rujədə, Çinədə Şanxay həmkoəti Təşkilat təsis bıə.

İron, Rusiyə, Ozbəkiston, Tacikiston, Ğəzaxıston, Erməniston, Pakiston, Hınd iyən Çin, Şanxay həmkoəti təşkilati uzvonin.

Şanxay həmkoəti təşkilati uzv bıə kişvəron yolon 22 minnə iclosədə ki Səmərğənd şəhrədə və de Ozbəkistoni mizbonəti bərpo bıə Rəsmi surətədə, Şanxay təşkilatədə, İroni komilə uzviyət elan bıə.

Bə Tele-Rədio aqentiyəti raporti əsos, zinə İroni ticorəti bə inkişof rosniye təşkilati yol, Əlirıza Peyman Pak votışe: dəvardə 1 sori mıddətədə, və ticarəti məsələon ğolibədə, de Şanxay həmkoəti təşkilati həmmə uzvon, bənə Rusiyə, Ozbəkiston, Tacikiston, Ğəzaxıston, Erməniston, Pakiston, Hınduston iyən Çin çokə həmkoətion bə inkişof rəsə, ki veyni ım kişvəronədə İroni ixracati inkişofi səhm vey be, ım çokə hodisəy ki de ım kişvəron İroni iğtisodi əktivə diplomatiya nəticəy.

Peyman Pak ijən əlovəş karde: vey muhimmə mıvzoon ki çəyədə təmərkoz kardəmone, huğuğoi və qarantiya məsələonin.