Tehroni cumə nımoji xutbəon

Tehroni cumə nımoji xətib Ərbəine huseyniş islami deşmenon vədə şiə və sınnion vəhdət iyən muğavimətı meydonış zınə.

Ayətullah Əl-uzma Muhəmməd imami Kaşani  islamiyə omməti miyonədə təfriğə iyən nifağ təşkil kardeyu bə beynəlxalğə istikbar iyən sionizmı fəaliyyəton işarəş karde və votışe:Ərbəine Huseyni(ə) əzəmətinə  mərasimədə islami mıxtəlif məzhəbonku mıslmonon milyoniyə huzur bə islami zid həmmə fitnəqərə hərəkəton vədə muğavimət kardeyu çəvon ciddiyə niyyətiku hikayət kardə.

tehroni cumə nımoji xətib votışe:islamiyə erjon iyən faydon Kərbəlo səhraədə bə nəticə rəsin və ıştə sıxanon dəvomədə votışe: Ərbəine əzəmət istikbarı ğeyre həğiğiyə əzəmətış karəku barde.

Ayətulla Əl-uzma İmami Kaşani əlavəş karde islam dınyo bəpe dəğiğə holətədə Amerkə iyən sioniston fitnəqərə hərəkətonku aqah beədə bə məntəğə məmləkəton faydon zid bə çəvon bərnaməon mane bıbon.

tehroni cumə nımoji xətib həmçinin məntəğə bəzi məmləkəton əcumlədə Suriyə Yəmən İrağ və Əfğanistanədə cəmaəti xuni bə zəmin emeku niqəran mande və votışe: məntəğə be qınoə milləti xuni bə zəmin ekarde məsuliyyət bə Amerkə iyən terarizmiku mudafiyə kardə kəson qi heste.