İroni Yolə Rəhbəri 1-ə umumi mesaj

İroni Yolə Lider zinə xətob bə millət 1-ə umumi mesajiş doə.

بسم الله الرّحمن الرّحیم

مَا نَنسَخ مِن آیَةٍ اَو نُنسِها نَأتِ بِخَیرٍ مِنها اَو مِثلِها.

اَلسَّلامُ‌عَلَیكَ یا داعِیَ اللّهِ وَ رَبّانِیَّ آیاتِهِ اَلسَّلامُ عَلَیكَ یا بابَ اللّهِ وَ دَیّانَ دینِهِ اَلسَّلامُ عَلَیكَ یا خَلیفَةَ اللّهِ و ناصِرَ حَقِّهِ اَلسَّلامُ عَلیكَ یا حُجَّةَ ا‌للّهِ وَ دَلیلَ اِرادَتِه اَلسَّلامُ عَلَیكَ اَیُّهَا المُقَدَّمُ المَأمول اَلسَّلامُ عَلَیكَ بِجَوامِعِ السَّلام. اَلسَّلامُ‌عَلَیكَ یا مَولایَ صاحِبَ الزَّمان.

 Iştə sıxani sıftədə bəpe bəştə əğə(əc)de İnğılobi Yolə Rəhbər həkim,əzizə Xameneyi odəmi dıli sutunə şəhodəti mınosibəti təsliyyət ərz bıkom iyən çə Həzrəti xeyə dıvo bo İroni yolə milləti har qıləyni,bəlkəm bo qırd dınyo mısılmınon iyən bo İslomi iyən İnğılobi həmmə xıdmətkoron,bo fədoiyon və bo İslomi İnğılobi şəhidon məxsusən bo oxonə canqi mandə kəson və boştə həğıri tələb kardedəm.

Çımı sıxani dıminə hissə de İroni yolə millətiye.İbtido bəpe çe Xubrəqani Məclisi çımı vəzyət iyən mevğey barədə bıə ray həxədə mıxtəsər bəyon bıkom.Şımə ın xadim Seyd Mujtəbo Huseyni Xameneyi deşmə bə izəmon iyən de İİR televiziyə vositə çe hurmətinə Xubrəqani Məclisi ray barədə xəbədo bim.bomı çe dıqlə şə`nışon barz bıə rəhbəri yəni Xomeyni Kəbir və Xameneyi Şəhidi vırədə nıştey saxtə koye.zira bın kursiyədə çımi bənav qıləy kəs nıştə ki,çe şest sorisə ziyoədə Xıdo royədə cihod kardəşe iyən çe çandə nev ləzzəton və rohətiku dəvardə,nəyin ki,fəğət ısətnə zəmonədə,bəlkəm çın kişfəri hukmronəti torıxi dırozi bə dəvəşə qovhəri iyən barzə simo təbdil bıə.Çəy həm həyot iyən maqi nev de bə Həxı təkyə kardə izzət iyən əzəməti omuj qıniyəbe.

Az,ın ovandətim pəydo kardə ki,çəy şəhodəti bəpeşt bıə cəsədi ziyorət bıkom.çımi vində çi qıləy ğoymə bandı-ku be və məsıme ki,ıştə solimə dastış mıştış kardəbe.çəy şəxsiyyəti mıxtəlifə vəchon barədə məlumotinə şəxson bəpe çandə mıddət qıləy çiyon bıvoton.iyo icmolən ğeyd kardedəm və çımi təfsilon bıdə bımando bo coqlə vaxton.jıqo qıləy şəxsi bədiqə bə rəhbərəti kursi təkyə kardey saxtəti dəlil ıme və fəğət de Həzrəte Həx iyən de şımə mərdumi koməqəti ım mumkine.

Dəvomədə lozıme deştə sıxani sərostə rabitədə bə qıləy nuktə təkid bıkəm.həmonə nuktə ıme ki, min cumlə çe Şəhidə Rəhbəri iyən çəy Yolə Sələfi hınəonku milləti bə həmmə ərsəon daxil kardey iyən bəvon dayima bəsirət və aqahəti doey və əməli surətədə bəçəvon ğıvvə təkyə kardey be.ə Həzrət ın cur bə cumhur iyən cumhuriyyəti qıləy həyğiyə mənoş baxşe və ıştə dıli nığılətiku bəy bovəş hestebe.çın mətləbi vazehə əsər kişfəri berəhbər iyən be ali sər komandan mandə çandə rujədə vindey be.İroni yolə milləti oxonə hodisəonədə bıə bəsirət iyən ağılmandəti və çəvon sabitəti,şucoət iyən huzur,dustonış bə təhsini iyən dışmenış bə heyrəti dıçoş karde.ım şımə biyon ki,bə kişfəri rəhbərətiyon karde iyən çəy suverənətiyon təzmin karde.

Çın nıvıştə sıftədə vardə ayə bın mənoədəy ki,İlahi ayəonku hiç qıləyni ni ki ya mehlətış təmom bıbu və çımiku mınosibə istifodə çe viro bekardey bıbu illah ki,Həzrəte Həxı(cəllə və əla) səmtiku çəy mislədə və ya çəyku barz bıbu.şərifə ayə ıme ki,ın bandə çe Şəhidə Rəhbəri həddədə bıbum.ısət çe bımando bıpyime ıştəni çəyku barz fərz bıkom.bəlkəm çe zikr bıə mıborəkə ayə cəhət bəşmə əzizə milləti çəy vırədə bıə barzə roli dığğət doeye.ehyanə həmonə dıjdə nemət çəmə dastiku beşebu,çəy əvəzi co kərə çe İroni milləti bənə Əmmori bıə iştirokış bə ın nizomi əto kardey be.ımi bızınən:əqər şımə səhnədə bıə ğudrət zohir nıbu,nə rəhbərəti və nə çəvon həyğiyə şə`n bə mərdumi xıdmət kardeyku iborət bıə mıxtəlifə aparatonku hiç qıləyni lozım bıə ko kardey nibəzıneyn.

Bo ın məno vey çok dərkiro,əvvəlo bəpe bə təbərrık iyən barzə Xıdovəndi zikri iyən bə ə həzrəti təvəkkul və bə Pokə Məsumon(ə) nuron təvəssıl kardey,bənə qıləy dıjdə iksiri iyən sıə kibriti diyə kardey bıbu ki,çandə nev fəthon təzmin kardedə iyən bə dışmeni ğətiyə zəfəre.ım qıləy dıjdə məziyyəte ki,şımə bəy malikiyon iyən dışmenon əvışon ni.

Saniyən:bəpe bə milləti həmmə qıləyni miyono vəhdəti ki,adətən tanqə vaxtonədə qıləy məxsusə cilv    ə pəydo kardedə,qıləy xələl daxil nıko.ım ko de ixtilofinə noxtəonku dast kəşey hosil bəbe.

 Salisə

BarnamesazanT - irancel: n:bəpe səhnədə bıə təsirinə huzur xandi kardey bıbu.ısət çe bənə ısətnə canqi rujon iyən şəvon formədə bıbu və ya bənə mıxtəlifə iştimoyi,siyosi,tərbiyəvi,mədəni və hətto əmniyyəti ərsəonədə bıə təsirinə rol ofəyey formədə bıbu.muhim ıme ki,bə sosyal vəhdəti zərəl nırosnə səhihə rol,çok dərk kardey iyən mumkin bıə həddədə icro kardey bıbu.Rəhbərəti iyən kali co məsul şəxson vəzifəonku qıləyni çın rolonku bəzi qıləyniyon bə camiyə həmmə təbəğəon quşon rosneye. bəçəy xoto Hicri-Ğəməri 1447-ə sori Ğudsi ruji mərosimədə iştiroki əhəmiyyəti bəyod dənoydəm ki,əyo həmmə kəs bəpe bə dışmen darıştə unsuri dığğətkon.

Rabiyən:bə iyande koməq kardeyku dəməvardənən.Əlhəmdulillah çe İronıjon veyə dayimiyə xıslət ğərəz ımi bıəni iyən intizor heste ki,bın xassə rujonədə ki,təbiiye bə mərdumi kali qıləyni bəsə coqləynisə saxt dəvardedə,ın mətləb veyə cilvə pəydoko.bın məcolədə xıdməti aparatonku piyedəme ki,bın cəhətədə bə əzizə milləti har qıləyni iyən bə imdodi milli strukturon  harcurnə koməqi əncom bıdon.ehyanə bə ın cəhəti rioyət kardey bıbu,şımə əzizə milləti vusoli roy bə əzəmətin iyən barzə rujon səmt bəbe.çəy həmməysə nezə nımunə de Xıdo izni bəsə ısətnə canqi dışmenonsə bıə zəfər bey bəzıne.

Bandə kəlomi seminə ğısmət çe şucoətinə canqəvəronku təşəkkur kardeye ki,qıləy şərayitədə ki,çəmə əzizə millət iyən vətən məzlumonə formədə çe istikbori cəbhə yolon tərəfiku bə hucumi məruz mandə,deştə ğoymə zərbəon çe dışmeni vədə səddışon jeyə iyən əvonışon bəçəmə əzizə vətəni təsəllut pəydo kardey imkoni iyən hətto əy təcziyə kardey təxəyyuliku xaricışon kardə.azizə canqəvərə bıvon! mərdumi kutlə tələb,təsirin iyən peşmonəkə mıdofiyə dovom doeye.həmçinin hukmən ijən həm çe Hormozi tanqə dəvastey rıçağonku bəpe oko doey bıbu.coqlə cəbhə oj kardey barədə ki,dışmeni çəy barədə qıləy kamə təcrubəş heste və de şiddəti çəyku ziyonon bəvinde,mıtoliyəon bə əməl omə iyən əy fəol kardey,canq dayimi dəvom pəydo kardə zəmon iyən bə məsləhəton əsos bə əməl bome.

Həmçinin çe Mığoviməti Cəbhə canqəvəronku səmimonə təşəkkur kardedəm.əmə çe Mığoviməti Cəbhə kişfəron ıştə həmməysə vey çokə duston zıneydəmon iyən Mığoviməti Cəbhə ko çe İslomi İnğılobi erjonku co nıbə hissəy.beşək çın cəbhə de iyande bıə iconəti,çe sehyoni fıtnəonku xilosi roy kuto bəkarde.İjən həm vindeme şucoətin iyən muminə Yəmən,çe Ğəzzə məzlumə mərdumi mıdofiyə koyku dastış kəşəni iyən fədokorə Hizbullah bə həmmə maneyəon rəğmən bə İİR koməq omə və İraği Mığovimət de şucoəti ın xəttədə bənav şeydə.

 Çominə hissədə,çı bandə sıxani dim de əkəsone ki,bın çandə rujonədə de qıləy nevi ziyonışon vində.ısət çe ə kəson zəxmin bıən və ə kəson ki,bəçəvon kə iyən tukonon və koy vıron zərəl daxil bıə.bın ğısmətədə əvvəlo de barzə məğaminə şəhidon nezə odəmon ıştə həmdardəti elon kardedəm.ın bəçımı de ın buzurquvoron bıə təcrubəon əsose.ğərəz ıştə dədə ki,çə həzrəti nıbey doğ ısət umumi bıə,çımı aziz iyən bəfodorə jimoni həmro ki,bəy veyə umum hestebe və çımı fədokorə hovə ki,dayima ıştə volideynon xıdmətədə be və ıştə ağıbəti mızdış se iyən çəy tiflə hırdən iyən çımı coqlə hovə jimoni həmro ki,qıləy alim iyən şərofətinə inson be,bə şəhidon kərvonim asparde.əmmo bə mısibəton səbri mumkin iyən hətto hoston kardə çi,bo səbrəkəyon ğıymətinə əcrisə bıə bə İlahi hətmi iyən ğətiyə və`dəon dığğət kardeye.əve bəpe səbr kardey bıbu iyən bəpe bə Həzrəte Həxı(cəllə və əla) lutf iyən dasqirəti umu iyən etımodımon bıbu.

Saniyən bə həmmə kəson ın xotrıcəməti doydəm ki,əmə şımə şəhidon xuni intiğomiku nidəbəvardemon.çəmə nəzədə bıə intiğom,fəğət bə barzə məğami soyb bıə rəhbəri şəhodəti ayid ni.bəlkəm de dışmeni təvəssıti şəhid bıə har qıləy uzv,bo intiğomi pərvəndəro ıştən qıləy mıstəğilə mevzuye.həlbəttə çın intiğomiku qıləy məhdudə mığdor tosə ısət bə əməl omə.əmmo çanədə ki,əv komilə surətədə nıbu,ijən həm ın dosye həm bəsə əmandə pərvəndəon peyo bəmande və məxsusən bəştə hırdənon xuni nisbətədə ziyodə həssos bəbemon.liza çe dışmeni bə Minabi Şəcərəye Təyyibə məktəbi mırtəkib bıə və bən   ə ımi bıə kali vıron barədə bə zıne-zıne kardə cinoyəti məxsusə formədə bərəsemon.

Salisən hukmən çın hucumon conbozon bəpe m

BarnamesazanT - irancel: əcconi surətədə mıolicə xıdməton ğəbul bıkon iyən  çe kali co məziyyətonku foydə bıbon.

Rabiyən çanədə ki,ısətnə vəzyət icozə doydə,bəpe şəxsi məkon iyən moli xəsorəton kompensasiyə bino kardey bıbu və çəvon barədə bıə hukmon kifoyət ğədərədə icro kardey bıbu.oxonə dıqlə vırə bənə qıləy vəzifə bo hurmətinə məsul şəxson ımi icro kardey vocibe və çəy hisoboti həm bəpe bəmı bıdon.

Coqlə nuktə ki,bəpe bəy işorə bıkəm,ıme ki,har qıləy surətədə əmə çe dışmeniku təzminot bəstənemon və əqər imtino bıkon,çanədə lozım bıbu çəvon molonku pebəqətemon və əqər ım həm mumkin nıbu həmonə əndoəzədə çəy molon məhf bəkardemon.

Iştə kəlomi pencminə hissədə bə məntəğə kali kişfəron yolon iyən təsirinə şəxson bıə xitobe.əmə de 15 qılə kişfəron çe ov iyən zəminiku hamsuyəmon və çəmə hejo meylımon bıə ki,de əvon qıləy konstruktiv iyən qamə rabitəmon bıbu.lakin dışmen navnə soronədə de tədrici bın kişfəron bəziyonədə moli iyən hərbi bazəonış ejə ta ıştə bə reqiyoni bıə sultə təminko.oxonə hucumədə çəvon kali hərbi bazəonku istifodə kardey bıə ki,təbiyie əmə çoko ki,oşkoə çəşnavi doəmon be iyən əmə bəçəvon kişfəron təərruz nıkardə holədə sırfən bəçəvon hərbi bazəon hucum kardəmone.çımi bədiqə həm noçorimon ın ko dəvom bıdəmon.harçənd əmə bə deştə hamsuyəon miyono bə qıləy dustiyəti iyən hamsuyəti etığodımon heste.ın kişfəron bəpe de bəçəmə əzizə vətəni təcovuz kardə iyən deçəmə mərdumi ğatilon bıə ıştə vəzifə məlum bıkon.mı tevsiyə kardedəm ki,çanədə rə həmonə hərbi bazəon dəvaston.çunki,lamalə tosə ısət famən ki,çe amerkə tərəfiku əmniyyət iyən sulhi bərğərol kardey qıləy duyə sıxane.ın ko boyis bəbe ta çəvon de kufri cəbhə iyən deçəvon təhğıramizə rəftoron norozi bıə milləti qıləy veyə rabitə bıbaston iyən çəvon sərvət iyən ğudrəti ziyod bıko.ijən həm tikror kardedəm ki,İİR nizom,məntəğədə hiç qıləy sultə iyən mıstəmləkəçəti əncom nıdoə holədə,bo deştə həmmə hamsuyəon qıləy ibemon,mıtəğobilə qam iyən səmimonə rabitəon icod kardero komilə formədə hozzıye.

 Iştə kəlomi şəşminə ğısmətədə çımı sıxan deçəmə şəhidə rəhbəriye.Ha Rəhbər ha!deştə şey tı bəçəmə həmmə dılon qıləy sanqinə doğı daxil karde.şımə hejo bo ın ağıbəti muştoğ biyon ta bilaxirin iyən Həzrəte Həxı(cəllə və əla) əvış Mıborəkə Rəməzonə mo daminə ruji maştəvoni vaxti Kərimə-Ğıroni tilovəti zəmonədə bəşməş əto karde.şımə bə ziyodə məzlumiyyəton de zumandəti iyən helmi tovon varde və rıncidə nıbiyon.veyə fərdon şımə həyğiyə ğədrışon nızıne iyən ğasbu çandə mıddət dəvardo çandə nev hicobon iyən maneyəon bə kəno bışo və çəy cəhəton məlum bıbu. umudəvom ki,bənə pokə nuron,sıddiğon,şəhidon iyən evliyaon bıə ğurbi məğam bəşmə nəsib bıə, ijən həm şımə bə ın millət və bə Mığoviməti Cəbhə həmmə navşemoni fikiyon iyən boəy vəsotət bəkardiyon.çoko ki,şımə ıştə dınyəvi həyotədə jıləvoni biyon.əmə deşmə əhd bastedəmon ki,bo ın pərçəmi barzətiro ki,çe həxı cəbhə əsliyə pərçəme və bəşmə ın mığəddəsə məğsədon rəseyro deştə qırd vucudi səy bəkardemon.

 Haftminə hissədə bəmı dastək doə qırd buzurquvoronku,min cumlə yolə mərcəye-təğlidonku iyən co mədəni,siyosi,iştimoyi şəxsiyyətonku və həmçinin çe mərdumi har qıləyniku ki,bo de nizomi sənibəton beyət kardero əzəmətinə qırdbemononədə cəm bıən iyən həmçinin seqlə ğıvvə məsul şəxson və Rəhbərəti Mıvəğğəti Şuroku ki,çokə tədbironış vinde iyən hərəkətonış karde, təşəkkur kardedəm.

Umudəvom İlahi məxsusə lutfon de feyzon pur bıə bın saat və rujonədə bə İroni həmmə milləti və bəlkəm bə aləmi həmmə mısılmınon iyən mıstəzəfon şomil bıbu.

Və oxoyədə ıştə Sərvəriku(əc) tələb kardedəm Ğədrə şəvi və Mıborəkə Rəməzonə mo baği mandə şəv iyən rujonədə Həzrəte Həxı(cəllə və əla) dərqoyku boçəmə milləti bəsə dışmensiə bıə ğətiyə ğələbə iyən həmçinin boəvon izzət,vusət iyən afiyət və boçəvon şeyəkəson uxrəvi afiyət iyən məğamon tələb kardedəm.

Vəssəlamu ələykum və rəhmətullahi və bərəkatuh

Seyd Mujtəbo Huseyni Xameneyi

Həşi 1404-ə sori isfəndə mo 21

Hicri-Ğəməri 1447-ə sori Rəməzonə mo 22.