Dışmon aqah bıbu ki milləti dılədə hiç vırəş ni iyən nibəbe

İroni prezident təsdiğış karde ki Amerkə aqah bıbu ki İroni milləti dılədə muğavimə və fidokorəti mədəniyət rişəş heste.

İroni preziden Ayətullah Rəisi zinə və bə İroni Kırdıston ostani səfəri cərəyonədə çın ostani milləti cəmədə votışe: ın ostani kırdon bənə İnğilobi bənav iyən mubarizə dıvrani çı anti İron dastəon və dışmonon vədə ki xomə puçə xəyolışon be ijən muğavimət kardən və millət əvoni məyus noəşone.

Bə İranpress raporti əsos, Rəisi əlovəş karde: tojədən çı dışmonon xəyonət fabrikaədə ijən coqılə səhvə hisob kitob öeyd bıə.

Əv ijən votışe: vey soron heste ki Kırdıstonədə şiə və sınnion yande kənoədə jomon kardən, iyən sənibəton bə dışmon xəbisə planon kəçe icozə nibədon.

Əv bə Kırdon miyono bıə isar və fidokorəti ruhiyə vucudi işarəş karde və çı nizomi-intizomi ğıvvon funqsiyaonış dışmoni xəbisə plani betəsir kardey amil zınəş be.

İroni preziden bə Kırdıston ostani cıvonon ruhiyə və estedadon işarə və əy bənə dışmonon numu əkə amil bə hisobış varde.

Bə kırdıston rəisi səfəri cərəyonədə çandə obdonəkə koon əcumlə ov ərosnə proyekton bə istismor rəsedə.