Bə Rusiyə, İroni Mazəndəron ostaniku bırzi ixracat
Mazəndəroni Ostandar: Amolədə İroni Bırzi ixracati terminal iyən ticorəti beynəlxalğə mərkəziku iminnə bırzə şələ bə Rusiyə məğsəd vığandə bıə.
Bə Mazəndəroni kaştemoni cihodi rəsmiyə statestikaon əsos, ımsor ım ostani bicoronku 215 həzo hiktorədə 1 minnə kaştemon əncom bıə.
Bə 1401 minnə sori rəsmiyə statestikaon əsos, ostani bicorə zəminonku təğribən 57 həzo hiktor 2minnə kaştemon iyən 48 həzo hiktor həm raton surətədə kaştemon əncomışon do.
Bə İrna raporti əsos zinə, Mazəndəroni ostandar, Sed Məhmud Huseynipur votışe: Ərəbi iyən Avropa kişvəronədə Mazəndəroni bırz vey çokə vojori soybe əmmo de diğğət bə bırzi vojori rəğobətin bey, bəpe bırzi istehsolədə keyfiyət iyən standardon xususi vey məhsul doə modılışon bıə bırzonədə həm diğğət bıbu.
Huseynipur ijən nezə vəomeyədə Mazəndəroni bırzi vojori tələb iyən həvotey barədə ıştə umo elanış kardə.
