Danklof və Petrof kubok dəçıkedə İroni nımoyəndəon 10 qılə medal kəsbışon kardə.
Bolqarıstani Danklof və Nikola Petrofi kubok ozod iyən yunan roma beynəlxalğə riğabətonədə, İroni nımoyəndəon de 5 qılə tıle medal və qıləy nığə və 4 qılə bırınc bəştə ko bə oxo rosneydən.
Milodi 2023 minnə sori Martə manqi 2 tosə 5 minnə rujədə, Bolqarıstani paytəxt Sofiyə şəhrədə, Bolqarıstani Danklof və Nikola Petrofi kubok ozod iyən yunan roma beynəlxalğə riğabəton bərpo bıə.
Bə dəçıke fedrasiya raporti əsos, Bolqarıstani Danklof və Nikola Petrofi kubok ozod iyən yunan roma beynəlxalğə riğabətonədə, İroni ozod dəçıkə komanda uzvon, 79 kiloqerəmə vəznədə, Mustəfa Ğiyasi, 86 kiloqerəmə vəznədə, Hadi Vəfaipur, 92 kiloqerəmə vəznədə Ərşək Mohebbi bə Tılı medal və 125 kiloqerəmə vəznədə Mustəfa Toğani bə nığə medal və 70 kiloqerəmə vəznədə Əmirhəmd Yəzdani və 97 kiloqerəmə vəznədə Danyal Şəriətiniya bə bırınci medal dastışon peydo kardə.
Həmçınin yunan roma baxşədə 72 kiloqerəmə vəznədə, Şahin Bədaği, 130 kiloqerəmə vəznədə Murteza Əlğosi bə tılı medal, 97 kiloqerəmə vəznədə Vəhid Dadxah bə nığə medal və Səcad Əbbaspur bə bırınci medal dastışon peydo kardə.
