İroni ixracat ğabeliyət zumandətion 5minnə nımoyeşqah de İroni przidenti iştiroki oj be

De İroni przdent Seyd İbraym Rəyisi iştiroki, İroni saderat ğabeliyət zumandətion 5minnə nımoyeşqah ımruj Tehronədə ıştə koş bino kardə.

İroni xarıci vəzarətxonə iğtisodi diplomatiya muavin Mehdi Səfəri həminə xəbə barədə votışe: İronEkspo nımoyeşqohədə 750 qılə daxıli şirkəton de dınyo 60 qılə kişvəronku bə ico bıə nımoyəndə iştirok kardəşone.

Səfəri həminə nımoyeşqohədə bıə iştirokəkəyon barədə votışe: İron Ekspo 2023 nımoyeşqohədə şirkətoni çı İ Bıə Ərəb Əmirəti, Pakiston, Rusiyə, Tırkiyə, Çin və bəzi co kişvəronku iştirok kardəşone və nımoyeşqoh 12 qılə baxş əcumlə sənaye, xorək, kə ləvazemat və nat kimiya ıştə koş bino kardə.