Ayətullah Əl-uzma Nuri Həmədani Bəhreynı məzlumə millətiyu vığandə mesaj.
Yolə mərcə təğlidonku qıleni vığandə mesajədə bə Bəhreynı məzlumə milləti sıfarışış karde de vəhdət və həmdıləti ale xəlifə zılmi vədə muğavimət bıkən.
Ğom şəhrədə bıə yolə mərcə təğlid Ayətullah Əl-uzma Huseyn Nuri Həmədani ale xəlifə cinayəton bəpeştə bəhreynı məzlumə milləti təziği jiyədə ğərur doeyu zinə qıləy mesajədə bəvonku tərəfdarətiş karde və votışe: bəhreynı millət dəvardə soronədə ıştə həxə tələbon xoto yəni ozodəti və ədoləti icra kardeyu ki çəvon əvvəliyyə həxonku heste ım məmləkəti yolə ruhani de Şeyx İsa Ğasımı hidayəti ğıyamışon karde əmmo təəssuf ki ale xəlifə vabəstə bə devlət mutəmadiyə holətədə cəmaəti kışte iyən zindoni kardeədə cəmaəti ğiyami arəku barde domoədəy.
Ayətullah Əi-uzma Nuri Həmədani bəhreynı mıslmonə millətiku tərəfdarəti kardeədə və bə şeyx İsa Ğasım har qıləy be ehtıromətion məhkum kardeədə beynəlxalğə səthədə bıə təşkilaton məxsusən islamiyə məmləkətonku tələbış karde sakit nımandon və bəhreynı rejimi hərəkəton vədə çı məmləkəti məzlumə millətiku mudafiyə bıkən.
