İron İslom Respublika prezdent, Miladi tojə sori astanədə bə Fələstini milləti ğətli-ami təcili oqətey ıştə umu nışoş do
İron İslom Respublika prezdent, Miladi tojə sori astanədə bə Fələstini be qınohə milləti ğətli-ami təcili oqətey cəhətədə, həmmə pokə insonon və qlobal ictima təcili hərəkəti tələbış kardə.
Bə İrna raporti əsos, zinə İron İslom Respublika prezdent Seyd İbreym rəyisi bə dınyo Katolikon rəhbər Pap Fransis qıləy mesajədə de Həzrəte İsa Məsih mıburəkə milad ruji dəmey və Miladi 2014 minnə sori tojə sori bino bey təbrik votey bəpeşt, əlovəş kardə: ımrujnə rujədə vey muxtəlifə behranon bəşəri ictimaro icod bıə ki bə Ğəzzə tanqə sionist rejimi həmlə kardey çəy vey muhimmə behrone.
İron İslom Respublika prezdent ijən əlovəş kardə: de təəssufii tərəfiku bə Ğəzzə tanqə həmlə cərəyonədə de israil rejimi cinoyəton beynəlxalğə ictima və təşkilaton de ğoyməti rəftor nıkardey və co tərəfiku ım rejimiku Amerkə və kali Avropa kişvəron himoyəon, 20 həzoku vey məzlumə inson xususi Ğəzzə tanqədə de israil rejimi vositə, Fələstini hırdənon və jenon şəhid bıən.
