Omani dıyoədə İroni hərbiçiyon Amerkə natə tankeri musadirə kardışone.

İron İslom Respublika ləşkəri dıyo ğıvvə elonış kardə ki Omani dıyo ovonədə və de məhkəmə hıkm qıləy Amerkəvıjə natə kəşti musadirə bıə.

Bə İsna aqentiyti raporti əsos, dəvardə Mayə manqədə, Soez Racan kəşti be ğanunə hərəkət, və de Amerkə vositə, İroni nati dızdiye dumoədə, zinə sıb və Omani dıyo ovonədə ım yod bıə natə kəşti de tojə nom yəni Nikolas ST musadirə bıə.

Cari sorədə Soez Racan nomo be ğanunə natə kəşti, de Amerkə rəhbəri vositə, İron İslom Respublika nati şələ dızdiyəş be və bə Amerkə porton ovoştoniyəş be.

Im natə kəşti ıştə nomış bə Nikolas ST əvəzış kardə və Omani dıyoədə nati tranzit kardey holədə be ki de İron İslom Respublika ləşkri strateji dıyo ğıvvə vositə, və de porton və dıyovonti təşkilati təsdiğ iyən de məhkəmə hıkmi vositə musadirə bıə və bə məhkəmə rəsmi şəxson təhvil doeyro bə İslomi Respublika porton ovoştoniye holədəy.