Yolə Rəhbər:Ğəzzə milləti dınyoş bəştə mıborizəon təsiri ji dənoeyışon zıne
İslomiyə İnğilobi Yolə Rəhbər İroni həmə cımə İmomon vindemonədə təkidışon ka: Ğəzzə məzlumə millət de ıştə mıborizəon zınişone dınyo təsiri jiyo ğəror bıdən
Ğəzzə milləti dınyoş bəştə mıborizəon təsiri ji dənoeyışon zıne
İslomiyə İnğilobi Yolə Rəhbər İroni həmə cımə İmomon vindemonədə təkidışon ka: Ğəzzə məzlumə millət de ıştə mıborizəon zınişone dınyo təsiri jiyo ğəror bıdən.
Həzrəte Ayətullah Xamenei ımruj de İroni qırd cımə İmomon vindemonədə ımruj Ğəzzə Beynəl-Xəlğə məsələonədə Xıdo dast məlume, votışone: ım ruj dınyo bə Mığoviməti qrop iyən mıborizə kəson və milləti de ğəhrəmon bıə çəşi nəzə kardən.
İslomi İnğilobi Yolə Rəhbər dınyo odəmon çəşədə Ğəzzə milləti səbarzəti və məzlumiyəti yol bıeşon çəvon təvəkkul iyən səbri bərəkəton təsiron xoto zınişone və izohışon do:
mığobilədə ımruj dıyoədə bə seonist rejimi ğələbə pəydo kardey heçkəs rozi mand ni. və ın rejimi siyosion iyən dınyo milləti nəzəd qılə zılmkor iyən de rəhm və xonxarə neçi və məğlub bıə rejime.
Həzrət ayətullah Xamenei təkidış karde Ğəzzə millət dıştə mığavimət islamışon aləmi mıhəğğiğə insonon çəşədə tərvic iyən ğıronışon mahbob karde , Xıdavəndə xalığiku mığavimət cəhbə xososi Ğəzzə millət və mubarizə əkon ruj bə rujə səbarzəti orzo kardəm.
İslami inğilabi yolə rəhbəri eyne holədə Yəmənı milləti yolə ko iyən Ənsarullah devləti Ğəzzə millətiku himoyə karde yolə koyku təmcid iyən tərifış karde və votışe:Yəmənıjon bə sionist rejimi həyatiyə ro zərbəşon jə və Amerkə təhdidiku nıtarseyn çonkiXıdo ətarsə inson ğeyre Xıdoku ətars ni və çəvon ım ko həğğən və insofən Xıdo roədə cihad(fi səbilellah) nımonəy.
Həzrət ayətullah Xamenei dəvomədə ommidvarətiş karde de pərvərdiqari izni ım mucahedəton, mığavimət və fəaliyyəton tosə səbarzəti dəvom pəydo bıkə.
İslamiyə inğilabi yolə rəhbəri eyne holədə milləti huzur, tələb və çəvon əməlış islami qıləy əsosə əslış zınə və İroni milləti vəfodorəti,səbr, meyl, huşin be iyən fədakarətiku tərifış karde və votışe: ım millət hətta de zahiriyə fərğ muminin iyən çəvon dıl de Xıdoy və bəpe de kəlimə həğiğiyə məno çəvon ğədri bıznəmon və nığıl bəvon məhəbbət bıkəmon.
İslami inğilabi yolə rəhbəri vıjnımonədə huzurış həm vəzifə və həm milləti həxış zınə və əlovəş karde milləti vıjnımonədə huzur de kəlimə həğiğiyə məno lozime , əlbətdə vıjnımon sırf təklif ni bəlkə milləti həxe ki karde bıznon ıştə ğanon təşkil əkan, ğanoni icra kardə kəson ya rəhbəri vıjniyə alimon uzvon bıvıjnon.