Davos iclosi kənoədə Əmirəbdullahiyani məşvərəton dəvom

İroni İslomi xarıci vəzir, Huseyn Əmirəbdullahiyan ki zinə bə Davos iclosi iştiroki xoto bə İsveç səfərış kardə be, ıştə məşvərəton dəvomədə de İspaniya xarıci vəzir Manoel Əlbares iyən Pakistoni mıvəğğətə devləti iminnə vəzir Ənvar Əlhəğ Kaker vindemon iyən votımonış kardə.

Bə İrna raporti əsos, ım vindemonədə ki zinə əsrədə İsveçədə Davos iclosi kənoədə bərpo bıə, Huseyn Əmirəbdullahiyan muxtəlifə məsələon barədə votımonış kardə.

Miladi 2024 minnə sori Davos iclosi bərnoməonədə iştirokiro bə İron İslom Respublikaku dəvət kardey əsos, İroni xarıci vəzir Huseyn Əmirəbdullahiyan  zinə ım iclosi bərnoməonədə iştirokiro bə İsveç varid bıə.

Əmirəbdullahiyan əlovə bə iclosi bərnoməonədə iştirok kardey, de co qılə kişvəron xarıci vəziron və ali rəsmi şəxson vindemon bəkarde, və ım vindemononədə məntəğə və beynəlxalğə mevzuon barədə sıhbət bəkan.

Davos iclos har sor İsveçi Davoz şəhrədə, de iğtisodi qlobal əssembley vositə, və de dınyo kişvəron devləti və xususi ali rəsmi şəxson bərpo bəbe.