De dınyo şiəyon 9 minnə imomi vilodəti mınosibəti təbrik

Imruj 2 şanbə hicri ğəməri 1445 nə sori rəcəbə manqi 10 bərobər de miladi 2024 nə sori yanvari 22 dınyo şiəyon 9 nə imom həzrət imom Muhəmməd Təği(ə) məadətinə viladəti sorəqardışe.

Imruj 2 şanbə hicri ğəməri 1445 nə sori rəcəbə manqi 10 bərobər de miladi 2024 nə sori yanvari 22 dınyo şiəyon 9 nə imom həzrət imom Muhəmməd Təği(ə) məadətinə viladəti sorəqardışe.

İmom Muhəmməd Təği(ə) hicri ğəməri 195 nə sori 10 nə rujədə Mədinə şəhrədə bə dınyo omə və dınyo şiəyon 8 nə imom həzrət imom Rıza(ə) şəhodəti bəpeştə mıslmonon rəhbərəti məsuliyətış bə ehdə qəte.

Imom Muhəmməd Təği(ə)mıbarəkə ləğəb Cəvaduləimmə.

Imom Rıza(ə) ıştə fərzənd imom Cəvad(ə) şən iyən barzə məğami həxədə votedə az qıləy zoəm heste ki bənə Musa(ə) elmi dıyo okardəkəse.

Imom Cəvad(ə) 8 sorətiədə bə imamət rəsə və həzrəti imoməti devran həm 17 sor be.

Yəni həzrət ıştə imamətış hırdənətiku tosə cıvonəti dəvonişe.

Imom Cəvad(ə) imaməti devranədə islami və ğeyre islami mıxtəlif fırğəon inkişafışon kardə be və sayirə milləton elmon və fənon diğğət mərkəzədə ğərorış qətə be boçimi xoto dınyo şiəyon 9 nə imom bə elmi və etığodiyə bəhson daxil bin və mıxtəlif dinonədə bıə mıxalifon munazirədə de Xıdo himoyə imamətiku mudafiəş karde.

Islamiyə ironi Xıdo roədə bıə millət imom Muhəmməd Təği(ə) səadətinə viladəti sorəqardışədə mığəddəsə vıron xususi dınyo şiəyon 9 nə imomi pıə imom Rıza(ə) pokə hərəmədə iştirak və idə mərosim bərpo kardən.

İron İslam Respublika telerədyo təşkilat de imom Muhəmməd Təği(ə) vilodəti sorəqardışi mınosibəti bə həmmə mıslmonon və dınyoədə ozodəti tələb əkon təbrik votedə.