Tehroni Milodi tele-ğullə

Tehroni Milodi tele-ğullə

Tehroni Milodi bırc ya ğullə çe torıxi imorəton,kanə kəon,məşhurə muzeyon iyən Tehroni parkon kəno bənə çın şəhri turizmi ğutbiku iqləyni unvoni zıney beydə ki,haruj ziyodə  səyohətəkəyon boəyo osə ğandero ovard kardedən.

Milodi bırc 75 hektari məsofəti zəminədə iyən çe Nəsri prospekti məntəğə piyo soxtə bıə və 17 həzo metr sahəş heste.ın bırc de 435 metri bılındəti dınyoədə barzə telekommunikasiyə ğulləy və çəy istifodə Tehroni səth iyən səviyyədə bo besimə rabitə hevuj karderoye və həmçinin bo tele-rədyo bərnoməon pevolo kardero,bo dijitalə televizyə infrastrukturon icod kardero,meteorologiya,bo trafiki iyən turizmi kontrol iyən nəzorətiroye.

Milodi ğullə iminə mıtoliyədə Tehroni 21 noxtəon bo Milodi bırci ejeyro mıtoliyəon kardey be ki,çəvon miyono çoqlə noxtə və çı Tehroni şimol ğərbədə ”Gişa” Nəsri prospekti oxonə təpəonədə vıjniyə be.Milodi ğullə  milodi 2008-ə sori 11 sori dırozi soxtə bıə iyən ojbe.ın bırc bənə modern iyən mıosirə Tehroni simvoli unvoni zıney beydə……

Tehroni Milodi bırc strukturi cəhəto bə mıxtəlifə baxşon iyən hissəon şomil beydə ki,çəvonku bə ğullə jinə hissə iyən bə ğullə,bəçəy pentonə iyən əsliyə dayirəvi hissə şomil beydə.çe bırci jinə hissə bina iqlə ğat və 6 qılə ticori təbəğonış heste.çı bina jinə dıqlə təbəğə və mərtəbədə çe Milod bırci kompleksi təsisoton mıxtəlifə baxşonış heste.iminə mərtəbədə həm bo osə ğandə kəson ğəbuliro qıləy hissə mevcude.hırye mərkəz,restoranon,kafe və nımoyişqoon çın bina mıxtəlifə baxşon iyən hissəon təşkil doydən.

Milodi ğullə əsliyə hissədə bo osə ğandə kəso qıləy surətinə asansor ya həmonə lift mevcude. umumən şəş qılə lift Milodi bırcədə oney bıə.