Foydənin,dindor iyən inğilobiyə devləti təşkil doeyu İnğilobi Yolə Rəhbəri təkid

İslomiyə inğilobi yolə rəhbəri islomiyə şura məclisi rəis və nımayəndəon vindımonədə vıjniyə bıə prezdent və məclisi mıştərəkə məsuliyətış, bə kar omə devlət iyən mıtədəyyin və inğilobiyə devləti təşkil doeyuş zınə.

Bə yolə rəhbəri dəftərxonə məlumat ərosnə mərkəzi eloni əsosi islomiyə inğilobi yolə rəhbəri Həzrət Ayətullah Xamenei ımruj sıb məclisi rəis və nımayəndəon vindımonədə 8 qılə muhimmə nuktə bəyon kardeədə ,məclisi cəvob doe zərurət, məclis və tojə devləti mısbətə həmkoəti,muhimmə məsələonədə məmləkəti təşkilatonku vahidə sədo məse,məclisi bəhson iyən nımayəndəon coqlə fəaliyyətonədə əxlaği hakimiyyət,ğanon təşkil karde lozim iyən lozim nıbə məsələon diğğət mərkəzədə ğəror doe,səhih və məntiğiyə nəzorət, bə nımayəndəon fəaliyyəti nəzorət əkə heyəti mısbətə fəaliyyəton, iyən məclisi ciddiyə huzur beynəlxalğəməsələon iyən xariciyə siyasətdə  işarəş karde və ommidvarətiş karde vıjniyə bıə prezdent və məclis mıştərəkə məsuliyyəton his kardeədə  dindar, bə kar əvo, inğilobi və bə omə rujon ommidvarə şəxson iştirokədə ki bə rostiyəti əvoni zındən və ve nığıl  milliyə diyə və bə islomiyə respublika ciddiyə etığodışon heste, kabinet təşkil bıbo və məmləkət iyən milləti məsələon bə nav bışon.

Həzrət Ayətullah Xamenei ım vindımonədə , məclisi vırəş ve muhim və həssasış zınə və əlovəş karde məclis, ictimaiyyətdə bıə fikriku kəno fəğət sual əkə ni bəlkə bənə har qılə ğərol icod əkə təşkilat bəpe ıştə vəzifəon və əməlon vədə Xıdo iyən cəmaəti vədə cəvob bıdə.

İslomiyə inğilobi yolə rəhbəri nizomi muhimmə mərkəzon məcmuə vəhdət və həmohənqətiş, məmləkət iyən nizom və milləti ehtiyocış zınə. və bə vıjniyə bıə prezdenti huzur bənə 12 minnə məclisi nımayəndə unvani işarəş karde və votışe: jəqo ki həmmişə məclisım de devləton bə mısbətə həmkoəti dəvətım kardə , bə devləton həm de məclison həmkoəti kardeku təkid kardəm.

Həzrət Ayətullah Xamenei vıjniyə bıə prezdent Məsud Pezeşkiyanı muvəfəğiyyətış, ixtisadi, mədəni, beynəlxalğə məsələon və coqlə baxşonədə, həmmə kəson muvəfəğiyyətış zınə və votışe: bəpe həmmə bə prezdenti ıştə vəzifə əncom doeyu komək bıkəmon və nığılə sorətədə bovəm heste ki çəy muvəfəğiyyəton həmmə kəson səbarzətiy.

İslomiyə inğilobi yolə rəhbəri coqlə sıfarışədə beynəlxalğə məsələonədə və xariciyə siyasətdə bə məclisi muhimmə zərfiyət işarəş karde və votışe: məclis qıləy qon və zumandə ğıvvəy ki dınyo devləton ıştə həmkoətionədə çəyko istifadə kardən.

Yolə rəhbəri, beynəlxalğə əvəzonədə nımayəndəon cur bə curə rol ifo karde  və kali diplamatikə hərəkəton və səfəron iyən məclisi rəis və nımayəndon vindımonon mincumlə məclisi rəisi  foydəinə  huzur Briksı tojə

iclosədə mısbətış zınə və votışe: bəzən hətta nımayəndəon qıləy bəyonot ya nıtğ xariciyə siyasəti məsələonədə muhim və təsir bınəy.

Həzrət Ayətullah Xamenei devləton, məclison ğıvvə iyən zumandətionku bəhrə bardeş dınyoədə qıləy dəb bıə məsələş zınə və vıjnımoni zəmanədə bə ironi zid sanksiya məsələ tikrorku işarəş karde və ım cəhətdə məclisış, fəaliyyət və rol ifo kardeyu imkoni soybış zınə və votışe əmə karde bəznemon sanksiyaon de şərofətinə roon peqəte və çəysə bəpe be təsir karde, jəqo ki çandə kərə votəmone sanksiya peqəte çəmə dastədə ni və bəpe çəy həl kardeyu tədbir bıkəmon, əmmo sanksiya be təsir karde çəmə dastədəy və çəyro çokə roon hestin ki devlətiyə məsul şəxson bəzi çı roonku istifadəşon kardə və çokə nəticonışon həm bə dast vardə ki ım cəhətdə məclis karde bəzne rol ifo karde.

islomiyə inğilobi yolə rəhbəri, ha çəxtə rəv Pezeşkiyanı kabineti təin beş foydəin iyən ve zəroriş zınə və votışe: ım cəhətdə həm məclisi nımayəndon və həm vıjniyə bıə prezdent qonə məsuliyyətışon heste.

Həzrət Ayətullah Xamenei ə şəxson ro ki vəzir iyən ixtisad, mədəniyyət, ovonə karde və istihsoli meydonədə ğəror qəteşon piyə çəvon zəruriyə xosiyət və meyaron həxədə votışe:meydoni bəpe bə kəson bıdəmon ki əmin, sədoğətin, və xəyli ciddi dindar iyən nığılə sorətədə bə islomiyə Respublika bovəşon heste.

Yolə rəhbəri ıştə bəyonoton oxoədə Ğəzzə məsələş həmçınan islam dınyo 1 minnə məsələş zınə və əlovəş karde  xəbis və cinayətkarə rejim cinayəton bino beku çandə manq dəvardeədə de jıqo cinayəton mubarizə barde iyən əy məhkum karde əvvəliyə şura və hərorət bəzi odəmon miyonədə kam bə, əmmo Ğəzzə məsələ əhəmmiyyət hətta çəy əvvəlnə rujonsə  veye.

İslomiyə inğilobi yolə rəhbəri ruj bə ruj bə mığavimətı zumand be işarəş karde və votışe: de Amerkə nomi qıləy yolə siyasi, ixtisadi və hərbiyə təşkilat de cinayətkarə sionist rejimi həmro de mığavimət unvani qıləy qədə qrupədə canq kardən və  çəyo ki ım 2 qılə xəbis muvəfəğ bə nin Həmas və Mığaviməti miyono bıbən , ıştə bombaon noxəşxonə və məktəbonədə zılm vində hırdənon, jenon və merdon səysə əkardedən.

Yolə rəhbəri işarəş karde ki ımruj dınyo milləton bə cinayətkarə rejimi vəhşiyə hərəkəton şohide və çəy həxədə fik fən kardən və bə məclisi nımayəndon xitob əlovəş karde Ğəzzə həxədə orom və sakit mənıştən, ımruj xariciyə məsələon və diplamatikə fəaliyyətonədə Ğəzzə məsələ məclisi muhimmə fəaliyyəton nımonəy.