Sionist rejimi cinoyəton vədə Əmniyyət Şura behərəkətiku İroni xarıci vəziri tənğid
İron İslom Respublika xarıci vəzir, sionist rejimi cinoyəton və ğəyri ğanuni əməlon barədə, bə ım rejimiku Amerkə və Britaniya həmmə tərəfiyə himoyəon xoto, İ Bıə Milləton Təşkiloti Əmniyyət Şura sukut və beəməliku tənğidış kardə.
Bə İsna aqentiyəti raporti əsos, İron İslom Respublika xarıci vəzir, Seyd Əbbos İrağçi ki bo məntəğə təhəvvulaton və 2tərəfiyə rabitəon barədə de Suriyə rəsmi şəxson məşverət kardeyro bə Dəməşğ səfərış kardə, zinə de Suriyə xarıci vəzir Bəsam Əlsəbağ vindemon iyən votımonış kardə.
Im vindemonədə 2tərəf əmniyyəti, iğtisodi və siyosi muxtəlifə baxşonədə iyən 2 qılə kişvəri miyono komilə sazışon və təvafuğnoməon icro bey və həmkoətion zumand kardey roon barədə deyande votımon kardışone.
İron və Suriyə xarıci vəziron ijən de məntəğə oxonə təhəvvulaton təğib kardey, əcumlə Fələstinıjon etosniye dəvomiku insoni bevəcə vəziyət və bə Livan sionist rejimi çand kərə təcavuzon təğib kardey, bə ım fociəon dınyo iştimoiyəti diğğəti cəlb kardey və sionist rejimi deşmonə canqtələbə təcili vəy qəteyro bə həmmə diplomatiya imkonotonku istifodə kardey təkidışon kardə.
Im vindemonədə İroni xarıci vəzir, sionist rejimiku, Amerkə və Britaniya həmmə tərəfiyə himoyəon iyən İ Bıə Milləton Təşkiloti Əmniyyət şura harcurnə mənoinə ğərolon vədə, çəvon vəy qəteyku tənğidış kardə və ım şura 10 qılə ğəyri uzvə kişvəri mıştərəkə bəyoniyə iyən sionist rejimi hərbi təcavuzi tələbon vey muhimm zınəşe və bə israili cinoyəton vəy qətey bo ım rejimi himoyədoron məcbur kardeyro, məntəğə ərəbi və islomi kişvəron siyosi və diplomatiya hərəkəton əlovə bey tələbış kardə.
