İmom Xameneyi çı həx və mığoviməti cəhbə səbarzətiş ğəti zınə.

İslomiyə inğilobi yolə rəhbəri bə livani hizbullah və Həmas hərəkati zumandə mubarizəon dəvom iyən hərəkəton işarə kardeədə təkidış karde bə Xıdo komək karde vədəon əsosi ki çəy həxədə heç qılə şək-şubhə ni iyən dəvardə soronədə bə hizbullah və Həmas səbarzə mubarizəon təcrubəon əsosi, tojə hadisəon de ğətiyyəti, həğ cəhbə iyən mığavimət, sionist rejimi vədə de ğətiyyəti səbarz bəkay.

İslomiyə inğilobi yolə rəhbəri bə livani hizbullah və Həmas hərəkati zumandə mubarizəon dəvom iyən hərəkəton işarə kardeədə təkidış karde bə Xıdo komək karde vədəon əsosi ki çəy həxədə heç qılə şək-şubhə ni  iyən dəvardə soronədə bə hizbullah və Həmas səbarzə mubarizəon təcrubəon əsosi, tojə hadisəon de ğətiyyəti, həğ cəhbə iyən mığavimət, sionist rejimi vədə de ğətiyyəti səbarz bəkay.

Bə yolə rəhbəri məlumat ərosnə mərkəzi elani əsosi islomiyə inğilobi yolə rəhbəri Həzrət Ayətullah Xamenei zinə sıb xubreqane rəhbəri məclisi uzvon vindımonədə bə Amerkə iyən kali Avrupaiyə məmləkəton, Ğəzzə və livani cinayətonədə oşkoə holətədə çəvon daston xunin be həxədə işarəş karde və Livan iyən Ğəzzə və fələstinədə zumandə  mucahidəton dəvom pəydo karde  nəticəş həğ cəhbə və mığavimətı səbarzətiş zınə və votışe: sınyo və məntəğə qıləy ruji bəvinde ki sionist rejim oşkoə holətədə çı mucahidon vədə məğlub bəbe.

İmom Xamenei dəvardə çandə 10 sorədə mığavimətı səbarzətiş, təcavuzkarə sionist rejimi vədə coqlə oşkoə dəlil,həğ cəhbə nəhaiyə səbarzəti bə nəticə rəseş zınə və əlovəş karde təğribən dəvardə 40  sori mıddətdə Hizbullah, sionist rejimış mıxtəlif mərhələonədə Beyrut,Seyda iyən Sur nəhayətdə  livani cənub hissəku bə domo nışte məcburış kardə və ım məmləkəti şəhron və dion iyən barzə məntəğəonış ə rejimi nəhsə vucudiku təmizış kardə.

İslomi inğilobi yolə rəhbəri hizbullah zumandə ğıvvəş ə deşmenon bə domo nışande iyən məğlub kardeyu ki de cur bə curə  hərbi, siyasi təbliğaton və ixtisadi silahon zumandin eyne holədə bə dınyo yolə zolımon mincumlə Amerkə prezdenton himoyəon peştpur hestin qəm bə qəm Hizbullah zumandətion inkişof və Xıdo roədə qıləy qədə mucahidə cəmiku bə qıləy əzəmətinə təşkilat rəseku iborətış zınə və votışe:eynən jıqo səbarzə təcrubə fələstinı mığavimət hərəkati həxədə həm heste və əvon həm 1388 nə soriku tosə ımruj 9 kərə de sionist rejim daveşon kardə ki ha 9 kərə həm ım rejimi vədə bə ğələbə nail omən.

Həzrət Ayətullah Xamenei hizbullaş zumand və de səhyoniyə rejim zumandə mubarizəon dəvom doe holədəş zınə və votışe: yolə şəxsiyyəton mincumlə seyd Həsən Nəsrullah və seyd Səfiəddinı nıbeədə hizbullah de barzə mənəviyə ruhiyə və meydonədə bıə mucahidon qıləy zumandə mubarizədəy və deşmen karde zınəş ni və karde əzın ni çəy vədə bımandon.

İslomi inğilobi yolə rəhbəri ıştə sıxanon coqlə baxşədə bə ımrujon bərobər be de zəmonə yolə mucahid şəhid seyd Həsən Nəsrullah şəhodəti ərbəini işorəş karde və çəy iyən mığavimətı coqlə fərmondəon və yolon mincumlə şəhidon Həniyə, Səfiəddin, Senvar və Nilforoşanı yodış qirami qəte və votışe: ım şəhidon bə islom və mığavimət cəhbə veyə izzət, yoliyəti iyən ğıvvəşon doə.

Yolə rəhbəri hizbullaş şəhid Nəsrullah əbədiyə yadıqarış zınə və əlovəş karde Hizbullah de nıtarsəti, huşin be, səbr və mığavimətı səidi əcibə təvəkkuli bərəkət, foğəladə inkişofış kardə  jəqo ki ə deşmen ki de maddi və təbliğatinə silahon zumand be de Xıdo yoliyəti karde zınəşe ım zumandə ğıvvə navədə bə ğələbə nail ome.

İmom Xamenei de sionistə işğalqəron ısətnə canqi səbarz bıə tərəfış, Fələstinı mığavimətış zınə və əlovəş karde sioniston hədəf çı canqiku Həması rişə pevate və əy miyono barde be əmmo əvon çandə 10 həzo insoni ğətliam karde və mığavimət iyən Həması rəhbəron bə şəhodət rosneədə və dınyoədə ıştəku qıləy bevəc, nifrətin və məhkum bıə sima nışon doeədə karde nıznəşone bəştə hədəfi bırəson və Həmas ısət həm mubarizə barde holədəy ki ım sionist rejimi məğlub be mənoədəy.