Ironi barzətiyon
Ironi barzətiyon
Kərkəsi bandı-kuon dovnədə bıə Əbyanə di,çe İroni İsfəhoni viloyəti həmməysə ğəşənqə diyonku qıləyniye.çe Əbyanə di kəon memorəti publinkə iyən pilləkoni şikilədəy və çe kəon xarici dərosteyədə çe hamsuyə di mədni sıə tuliku oko doey bıə.sıə tuli xosyət bımədəy ki,çanədə veyə voş çəy peyo bıvoyo, həni həm ğoym bəbe.dırıst bənə çın di bumiyə mərdumi ki,çe təbiyi hodisəon mığobilədə bənə bandı-kuon səbrışon heste iyən bənə tavon saxtin və əvon jıqo bəştə əjdodon memorəti iyən yodiqor haştə çiyon eşğışon heste ki,çə həmonə ğədimə adət iyən traditsiyəonku veynişon yəni ıştə kanə zıvon,ləhcə iyən ranqəranqə olətonışon çoko-çoki xandi kardeyışon zınə.ziyorətqoon,məçiton,ovi anboon, xaneqoon,antropoloji muzey,ğaləon,həmomon,osyoon iyən kərvonsəroon həmmə çın di ğədimətiku hikoyət kardedə ki,bənə qıləy səyohət iyən turizmi cozibə unvoni hasor ziyodə səyohətoəkəyon bə Əbyanə di səmt səfə kardedən...
Votey beydə ki,Maxuniki di çe dınyo 7 qıləynə mecuzəvi iyən heyrətamizə diyonkuye.ın di de Qulliveri səyohəton dastoni Li Li Pothay şəhri məşhure və çe İroni Cənubi Xorasani əyolətədə və çe İroni de Əfğanıstoni marzi nezi ğərolış qətə.çə vırə mərdum əslışon çe Əfğanıstoniku bıə farsi zıvonin ki,çandə əsr bənav çe Əfğanıstoniku bə ın di mıhocirət kardəşone və bə ın məntəğə omən.çın di sakinon əjdodoon bə de ğohumon izdivoc kardey iyən bə nomınosibə xorəki rejimi xoto,çəvon əksəriyyəti qıləy kırt iyən kutoə boloşon heste.bə həmonə dəlili xoto,çəvon kənon memorəti həm bəçəvon boloon mınosib soxtə bıə. Maxuniki di fəğət bəçəy sakinon ğədd iyən bolo xoto məşhur bıəni,bəlkəm co dəlilon həm mevcude.çe Maxuniki di sakinon 50 sor bənav çay peşomedənıbin,şikor kardedənıbin və umumən qujd hardedənıbin. əvon ın curnə koon qıno hisob kardedəbin.televizori bə ın di daxil bey çe şəytoni bə ın vırə varid bey mənoədə be iyən çın vırə əhali de tobə çandə sor çımi bənav bə televizori şəyton votedəbin....
Beşək,çe İroni de roya pur bıə iyən vey xəyolpərəstə di,çe İroni de pilləkoni bıə həmməysə məşhurə di Masulə diye ki,çe kişfəri şimol məntəğə və Qiloni viloyətədə vağe bıə.bə İroni mıosirə şayir bıə Sohrab Sepehri votey əsos,Masulə nıvıştey beydəni,Masulə bəpe vindey bıbu.de qıləy ğəşənqə mənzərə bıə qıləy di bəvindeyş ki,çəy kəon de təbyəti harmonik iyən mıvofiğ bey xoto qıləy publinkə fəson memorətiş heste.yəni kəon çe iyande peyo soxtə bıə və çe jinə kə bon çe pentonə kə həyot ya dəvardəcoye.çe Masulə di vıjor həm 4 qılə mıstəğilə səviyyədə çı di de tıp-tıpi jeyə dıle.bın vıjorədə hınə iyən nəcimə və dasti sənaye məhsulon çe bumi iyən lokalə xorəkon kəno həvatey beydə.çe Masulə di torıxi binonku qıləyni həşt quşəynə havzə ranqədə bıə ziyorətqoye ki,çəy bə çuykuye ki,çəy peyo vey zərifə kandemonon çəy çandə sornə ğədimə torıxi nışon doydə....
