İroni barzətiyon
İroni barzətiyon
Qiloni viloyəti neziyədə yəni Mazandrani ostanədə çe İroni coqlə ğəşənqə diyonku qıləyni Filbəndi diye. bə Filbəndi di coğrafi mevğıyyəti dəlili xoto,sori nimə de avəon təvəssıti mıhosirə bıə.çe avəon miyono ğədəm jey,bə avəon hərəkəti ıştə po bınədə təmşo kardey və səyohətəkə de avəon təvəssıti əhotə bey, çe Filbəndi di turistik məkon iyən cozibəonkuye.Filbəndi di bə dıyo səth iyən səviyyəku 2300 metr barzətiyədə ğərol qətey xoto,çe bumi iyən aboroqenə şəxson miyono de Mazandrani şərği bomi nomi məşhure.Mazandrani diyalekt və ləhcədə ın di Filbənd ya Filbən votedən.Fil oqıniye mənoədə iyən bənd band bey mənoədəy.bə əhali votey əsos,qızəştə zəmononədə bə ın di şe-oemy məsir və marşurut vey saxt be.liza qıləy zəmon ki,mərdum bə ın di rəseydəbin,votedəbin ki,bə Filbəndi rəsimon yəni çəmə sıstəti bə oxo rəse…
İroni coqlə ğəşənqə diyonku qıləyni,Qorqani əyoləti Ziyorəti diye ki,de bənə pilləkon iyən publinkə bıə memorəti formədəy ki,çəy sakinon təpəon təxrib iyən həmo kardey əvəzi,ıştə kəonışon de təbyət iyən təpəon eqard və etati mınosib və bandı-ku məntəğonədə soxtəşone.Ziyorəti di bə di ğədimə boftemon iyən tekstura iyən bəçəy seqlə torıxi ərazi dəlili xoto,bə milli ğeydiyyoti rəsə.Ziyorəti di kəon çe sığ iyən çuyku soxtə bıə və bo zəmini rutubəti navi qəteyro çe kəon pol ya epo nimə ya i metrə çe zəmini səth və səviyyəku vey barze.çe Qorqaniku bə ın di səmt 7 kilometrəynə şat-şutə ro,de har dıqlə tərəfədə bıə ziyodə barzə doon dəqətə bıə ki,ım ıştən çın məntəğə turistik məkonku qıləyniye.ın di bə qaməovi çeşməon iyən bə çandə qılə ziyorətqo və şuləon malıike.Ziyorəti di ətrofədə çandə milyon sor sabiğə və torıxış bıə Hirkani kanə vişəonku iqlə baxşi vindey bəzıniyon ki,bənə vızımə doone və boyis bıə ki,ın məntəğə dınyoədə bənə çın do nevi ambo və ehtiyoti vırə bıbu…
Səhulani di oxonə diye ki,bın bərnomədə əmə əy bəşmə təğdım kardedəmon.Səhulani di çı kişfəri şimol-ğərbədə və Ğərbi Ozoboyconi ostanədə vağe bıə.kırdi zıvonədə Səhulan yəni biyə mənoədəy.ın mevzu çok-çoki çın məntəğə sard bey nışon doydə.çın di kifoyət ğədərədə mınosibə həvo iyən voşi voye,bo insoni jimoniro iyən kaşt-deviro Səhulani diş bə qıləy çokə məntəğəş təbdil kardə.çın di sabiğ iyən torıx bə 400 sorisə ziyodə zəmoni rəseydə.Səhulani mağarə iyən koç çe İroni dıminə dıjdə ovə məğarəy iyən çe kişfəri həmməysə ğəşənqə ovə məğarə bın diyədə ğərolış qətə.Səhulani koç ya mağarə unikalə xususiyyətonku qıləyni əyo 300 metr ovə ro iyən dıyoçə mevcud beye ki,bəzi noxtəonədə çəy nığıli təğribən bə 60 metri rəseydə.qolə ya dıyoçədə ğayığ romey çe Səhulani koç ya mağarə həmməysə cozibəynə turistik məkononku qıləyniye.çın qolə ov çe zəmini jiyku beşə ovonku iyən qılə çeşməonku təmin beydə.çe Səhulani koç ya mağarə daxili de xarici həvo dərəcə və tempraturə təğribən 10-ku tosə 15 dərəcə rəseydə….
