Mirza Kuçik Xan Cənqəli qirami qəte ruj

Imruj 1 şanbə həşi 1403 nə sori azərə manqi 11(2024 dekabri 1) Mirza Kuçik Xan Cənqəli qirami qəte ruje.

Mirza Yunis de Mirza Kuçikxan Cənqəli məşhur bə şəxsiyyət 1880 minnə sori oktiyabri 12 minnə ruji ironi  ironi şimol Qilon ostani mərkəz Rəşt  şəhri Ostad Səra mahlədə bə dınyo omə.

Əv ki cıvonətiədə bə diniyə elmon təhsil məşğul be,ə inğilobiyə ğıvvonku be ki məşrutiyə hərəkoti cəriyanədə tehronışon fəth kardə be.

Mirza kuçikxan mubarizə ruhani ki ironi istiğlol və əcnəbion dastiku çəy nicot pəydo kardeyu, ironi şimolədə  qıləy yolə hərəkatış icod karde və tosə nəfəsi oxo istikbarı vədə mande və çar Rusiyə iyən İnqiltərə bə kəno noeədə ironədə xalği tərəfo 1 minnə respublikaş bino karde.

Əcnəbion bə kəno je, de istikbar mubarizə barde, ədoləti tələb karde,di təsərrufati ərazi islahat, ərbob rəyəti bəhsi miyono peqəte,zavodon bə ro dəğande, fəhləon zavodonədə şərik karde,vişə hərəkati həmməysə muhimmə hədəfonku be və Mirza pidəş be qıləy milliyə hukumət bə məclis və milləti nəzə əsosi təşkil bıbo.

Mirza kuçikxan Cənqəli çandə soron mubarizə iyən bə podşo zılminə nizom və çəy əcnəbiyə odəmon zid canq karde bəpeştə dıştə ğıvvon kamə uzvon ğıvvə cəm kardeyu bə Xəlxalı tərəf hərəkətış karde və 1921 minnə sori tolışə bandonədə va iyən kuləkədə qiriftor be və bə şəhodət rəsə.

Mirza kuçikxanı şəhodəti bəpeştə vişə hərəkat bəştə oxonə nuğtə rəsə.