Tehroni Cımə İmomi Xətib:Hərəmi şəhidon xun Suriyadə çe mığoviməti loləon pebərosne

Tehroni Cımə İmomi Xətib:Hərəmi şəhidon xun Suriyadə çe mığoviməti loləon pebərosne

Tehroni Cımə İmomi Xətib:Hərəmi şəhidon xun Suriyadə çe mığoviməti loləon pebərosne

Tehroni mıvəğğəti Cımə imom bə Suriyadə bıə hodisəon işorə kardə holədə votışe:Hərəmi mıdofiyə kardə şəhidon xun bə cuş bome iyən Suriyadə çe mığoviməti loləon pebərosne və ın loləon işğalçiyon xaric bəkardeyn.

Bə Mehr xəbə aqentəti doə məlumoti əsos,Tehroni mıvəğğəti Cımə imom Ayətullah Seyd Əhməd Xatəmi Tehronədə cımə nımoji xutbəonədə çe israyili bo qlobal reqiyoni əmniyyətiro qıləy ciddiyə təhdid beyış bəyon karde və bə beynəlxalğə iştimoiyyəti bo ın rejimi oqəteyro bəsə poysə əhışte iyən qıləy qəm şodeyış təkid karde və votışe:Suriyavıjə cıvonon bə meydonon bomeyn və çı Amerkə iyən seonist rejimi planon məğlub bəkardeyn.

Ayətullah Seyd Əhməd Xatəmi çı seonist rejimi reqiyonədə muharibə və əmno-əmnəti pardə peştono bə yod dənoə holədə əlovəş karde:bə Ərəb Liqa,bə reqiyoni kişfəron və Səudiyyə Ərəbıston,Misr və İordaniya oşkoə şikilədə votedəm ki,seonist rejim çın vəzyətiku bo veyə işğaliro istifodə bəkarde və çı Suriyə qırd infrastrukturon məhv bəkarde.

Tehroni mıvəğğəti Cımə imom bə Suriyadə bıə proseson və bə İroni bın kişfərədə bıə mışaviri roli işorə kardə holədə votışe:İronıjə hərbi mışoviron Suriyadə beyku məğsəd mığəddəsə hərəmon xandi kardey,DAİŞ terrorə qrupon çe miyoniku bardey və reqiyonədə əmniyyəti icod kardey bıə.

Ayətullah Xatəmi həmçinin çı mığoviməti və İslomi İroni zəif nıbey bəyon kardə holədə,çe İroni millət bə İslomi sistemi çəp odyəsə har qıləy dışmeni qıləy ğəti və şiddətinə cəvob doeyış bəyon karde.