Bəsirət ruji ğəhrəmonəti mərosimon

Qiloni Tolış ənıştə muxtəlifə məntəğəonədə, Dey manqi 9 minnə ruji ğəhrəmonəti mərosimon bərpo be.

Imruj sıb, həmzəmon Tolış və Masal şəhrıstonon cami məçitədə və de milləti umum iştiroki, Dey manqi 9 minnə ruji ğəhrəmonəti əzizqətey mərosim bərpo bıə.

Masal şəhrıstoni cımə İmom iyən fərmondor bə Dey manqi 9 minnə ruji ğəhrəmonəti yolqətey mınosibəti təkidış karde: Həşi 1388 minnə sori Dey manqi 9minnə rujədə, İslomi İroni aqah və həmişə oğoə milləti iştirok,demi həm ki duston və deşmonon nəzdədə İslomi İnğilobi nizom və votımoni ğoyməti və iğtidori əlovə peydoş karde, həmonə zəmonədə, daxıli və xarıci fitnəqəron məhv bıə.

Tolış şəhrıstoni cımə İmom Huccətul İslom vəlmuslemin Nurzad bə Dey manqi 9minnə ruji mınosibəti xoto, qıləy mesaji ğəlibədə votışe: deşmononi ki cəhdışon be ta de nıfuz və erjon əvəz kardey vositə, bə nizom və kişvər zərbə bıjənon, Dey manqi 9 minnə rujədə vindeşone ki kişvəri vey muhimm və rişədorə sərmoyə və ğudrət, millətin.

İjən Dey manqi 9minn ruji ğəhrəmonəti sorəqardışi yolqətey mərosim Nəmi, Abi Biqlo və Ənbəran şəhrıstononədə de ım məntəğə Tolışon veyə iştirok bərpo bıə.