İslomi inğilobi yolə rəhbər: de Amerkə muzakirə huşin, əğlımand və şərofətin ni

İslomiyə inğilobi yolə rəhbəri İron İslom Respublika həvoiyə silohinə ğıvvə fərmondəon və kadronku qıləy cəmi vindımonədə votışe: de Amerkə muzakirə karde huşin,əğlımand və şərofətin ni.

İslomiyə inğilobi yolə rəhbəri İron İslom Respublika həvoiyə silohinə ğıvvə fərmondəon və kadronku qıləy cəmi vindımonədə votışe: de Amerkə muzakirə karde huşin,əğlımand və şərofətin  ni.

İron İslom Respublika həvoiyə silohinə ğıvvə iyən bə həvo zid ğıvvə fərmondəonku qıləy cəm cumə sıbde həmmə ğıvvon fərmondə vindımonışon dəvoni.

Im vindımonədə de islomiyə inğilobi səbarzəti mubarəkə 10 rujon və həvoiyə silohinə ğıvvə kadronku qıləy cəm de mərhum imom Xumeyni tarixiyə beyəti sorəqardışədə ki həşi 1357 nə sori bəhmənə manqi 19 minnə ruji təşkil bə be bənə dəvardə soron vindımon mərosimon bərpo be.

Bə yolə rəhbəri dəftərxonə məlumat ərosnə mərkəzi eloni əsosi pars todey xəbəş doə islomiyə inğilobi yolə rəhbəri imom Xameneyi təğribən 2 sor de Amerkə bə nəticə nırəsə təcrubəon işorə kardeədə həşi 1390 minnə soronədə və Amerkə hərəkət həmmə təəhodon bəştə lınqi ji noe işorəş karde və təkidış karde atom sazışi təcrubə votedə de Amerkə muzakirə heç qılə problem mincumlə ixtisadi və məişətiyə saxtion həl əkə ni, boçimi əsosi problemon həl karde ro təəhudışon bıə məsul şəxson cəhd və vəhdətışon bıə milləti həmroətiye ki inşallah bəhmənə manqi 22 nə ruji ım vəhdət və həmdıləti bəvindemon.

İslomiyə inğilobi yolə rəhbəri həşi 1390 minnə soronədə bə mənfiyə təcrubə və təğribən 2 sor de Amerkə coqlə məmləkəton muzakirə kardeş ki bə atom sazışi muğavilə bois be de Amerkə muzakirə karde be foydə be dəlilış zınə vəəlovəş karde ə rujədə bıə çəmə devlət, dəvon nışte, şe-omeş karde , muzakirəş əncom do, sırin və dastışon qəte və dustiyəti və həmmə koonışon karde və qıləy muğavilə təşkil be ki bəvədə İroni tərəf de veyə səxovət, vədə bə tərəfi veyə emtiyazonış do əmmo amerkəvıjon bə muğavilə və roziyəti əməlışon nıkarde.

İmom Xameneyi 2 sor muzakirə və emtiyaz doeş iyən bə domo okıriye, əmmo bə nəticə nırəse təcrubəku istifadə kardeş zəruri zınə və əlovəş karde Amerkə həmonə roziyətiş bəzi nəğsonədə bə lınqi ji noşe və çəyku xaric be.

Boçimi əsosi de jıqo devləti muzakirə karde ğeyre huşin və ğeyre şərofətine və dəvon bəpe muzakirə nıbo.

Yolə rəhbəri bə Amerkə ısətnə prezdenti sıxanon atom sazışi muğavilə  dırneku işorəş karde və votışe: çəyku bə navnə devlət həm ki muğaviləş ğəbul kardə be bəy əməlış nıkarde və Amerkə sanksiyaon ki ğəror be peqətə bıbon, peqətə nıbı.

Və hıjo bənə qıləy təhdid ironi səysə oqətışone.

İslomiyə inğilobi yolə rəhbəri eyne holədə dınyo xəritə əvəz kardeyu bə amerkəvıjon təğəllo işorəş karde və votışe: çəvon ım ko heç qılə həğiğətış ni və fəğət koğəzi dimədəy.

əlbətdə əvon çəmə həxədə həm nəzə dodən, qəp jedən və təhdid kardedən.

İmom Xameneyi təkidış karde əqər əməni təhdid bıkən əmə həm əvoni təhdid bəkamon, əqər ıştə təhdidi əməli bıkən əmə həm ıştə təhdidon əməli bəkamon və əqər bə çəmə milləti əmniyyəti təcavuz bıkən əmə həm har qılə şəkkiku kəno bə çəvon əmniyyəti təcavuz bəkamon.

Həmmə ğıvvon yolə fərmondə ironiku mudafiə kardeş həmmə koon sərlohə və silohinə ğıvvon zumand kardeş həmməysə muhimmə vəzifəş zınə vəəlovəş karde silohinə ğıvvə bəpe insoniyə kadron, siloh, təlimat, hərbi və mudafiə cəhətonədə hozzı mandə vəziyyətdə bıbon, zəifətion miyono barde və ehtımoliyə ziyanon miyono peqəte, tojə tədbiron dəvom, tojə istihsolon ruj bə ruj zumand  karde əncom bedə və subut bıkən ki  ve yolə koon həm əncom doe bəznen.