Pezeşkiyan: Çəmə bə təcavuzi dəvom doey cəvob ğətiye

Məsud Pezeşkiyan de Misri prezdenti miyono telefonə votemon:Əmə nə çe canqi binoəkəmon və nə həm boçəy dəvom kardeyədə dılımon ni.çəmə bə təcavuzi dəvom doey cəvob ğətiye.

Məsud Pezeşkiyan de Misri prezdenti miyono telefonə votemon:Əmə nə çe canqi binoəkəmon və nə həm boçəy dəvom kardeyədə dılımon ni.çəmə bə təcavuzi dəvom doey cəvob ğətiye.

İron İslom Respublikə prezdent bın telefonə qəpədə votəşe:Əmə xotırcəm iyən əminimon ki,çe seonist rejimi hucum Amerkə icozə nıbey bə həyot dəvordıney bıəni və çın təcavuzi dəvom doey cəvob ğətiye.

Bə Pars-Tudey bə İRNA istinodən doə xəbə əsos,Məsud Pezeşkiyan şanbə ruji de Misri prezdent Əbdulfəttah Əs-Sisi telefonə zanqi cəvob doə holədə,çəy və çəy kişfəri çe seonist rejimi bə İroni təcavuzi anqıl,ğəti və bıvə mevğeyonış barz qətə və votəşe:Əv,çe sıftəku,de İslomi dınyo,xususən həm de hamsuyə kişfəron əloğə oqəteydəm və mı ımi ijən həm dəvom  doydəm.

İron İslom Respublikə prezdent de Amerkə bıə mızokirə zəmonədə çe seonist rejimi bə İroni kardə hucumi işorə kardə holədə əlovəş kardə:Əmə məsələon de  diyaloqi roy həll kardeyro səy kardemone,lakin seonist rejimi bəçəmə sərzəmini təcavuzış karde;Muharibə əmə binomon kardəni və boçəy dəvom kardeyədə həm dılımon ni.əmmo ın təcavuz dəvom bıko,əmə bımi ğəti cəvob bədomon.