Dınyo mediya çe Trampi bə İroni zidd cinoyətə əməli inikas kardedən
Amerkə çe seonist rejimi bə İroni zidd təcavuzkorə fəoliyyətədə iştirok,beynəlxalğə mediyadə ıştə əksış vində və de çın hərbi təcavuzi nəticəon anqıl hevujə norohətçətişon bə əməl vardə.
Bə Pars-Tudey doə xəbə əsos,AİŞ prezdent Donald Tramp çe israyili rejimi bə İroni ələyh muharibədə yekdast bıə holədə,işambə ruji "Trus Sosial" nomo sosyal şəbəkədə iddiyoş kardə:"Əmə bə İroni nuvə obyekton ələyh,min cumlə həm bə Fordo,Nətənz və İsfahoni vey mıvəffəğə hucum bə həyot dəvordınemone".
AİŞ-on ziyodə rəğəmədə bumiyə rəsmiyon,həmən diqər kişfəron bə ın təcavuzi ələyh mevğe numayişışon nışon doə və veyə mediya orqanon ıştə etırozon nışon doə holədə,çın hucumi huğuği əsoson bə şubhə ji vardedə.Sky News-i Nezə Şərğ muxbir Alastair Bankalli nıvıştəşe ki,İroni cəvob çe AİŞ hərbi bazəon və ya qlobal kəştiromey hədəf bey bəzıne.İron mumkine Hormozi tanqə bə hədəf bıqəto.“The New York Times”-i jıqo titrış jeyə:Trampi bə İroni hucumi ğəror reqiyonədə bo əmniyyət və siyosətiro çəş kardənin nıbə qıləy fəsli sıftə nışon doydə.
CNN internet sayt çe Stefen Kollinson-i təhlilədə nııştəşe ki,Trampi bə İroni atomi obyekon ələyh hucum,çe AİŞ-on “prezident səlohiyyətonku itərəfinə istifodə” təmsil kardedə.Britaniya“The Guardian” qəzet həm beynəlxalğə huğuği ekspert çe Donald Rattveliku sitatış vardə ki,AİŞ-on bə İroni nuvə obyekton zidd hucumon beynəlxalğə huğuği çərçivədə ğanuni hisob kardey “faktiki surətədə mumkin ni ”.
Cənubi Koreya Yonhap Xəbə Aqentəti işambə ruji de Trampi hərəkəti anqıl doə xəbədə,bə Vaşinqtoni nəzədə ziddiyyətin bey dığğət kardə holədə,AİŞ-on hucum qıləy holədəy ki,Tramp “Sıftə Amerkə” siyosəti çərçivədə AİŞ-on bə xarici canqi bino nıkardey və ya daxil nıbey qıləy vaxtədə bə əməl omeyış nıvıştə.
Amerkə “The Intersept” internet sayti nıvıştəşe:“Iştəni bənə sulhməromin zınə” Amerkə bə qıləy co canqi səmt bardedə və Assosayted Press xəbərdorəti kardedə ki,AİŞ bə israyil və İroni miyono muharibə dəşeydə.demi əloğədor və AİŞ-on bə İroni kişfəri nuvə obyekton ələyh beəmonə hucumi bəpeşt Atom Enerji Təşkilot işambə ruji maştəvoni doə bəyonotədə,bə atomi sənaye inkişofi roy nıoqətey təkid kardəşe.
