Pars Today

İroni prezidentəti 12 minə dıvrə səçıni 6 qılə namzədon zinə ıştə oxonə debatədə ijən iğtisodiyə mıvzoon barədə vindemonon tənğid karde bəpeştə vıjinə bıə plan və strateqiaonku mudafiəşon kardə.

Ağayan Eshağ Cəhanqiri, Mustəfa Ağa Mirsəlim, Həsən Ruhani, Mustəfa Haşımitəba, Ebrahim Rəisi və Muhəmməd Bağır Ğalibaf zinə çoştə bəpeştə İronədə muxtəlifə iğtisodiyə mıvzoon əcumlə: de ğaçağ mubarizə barədə və varıdati kam karde, bə nat vabəstə beyku kam karde, exporti inkişof doe ijən xomə nati kam həvatə, istihsolədə çokə vəziyəti soxte ijən stabilə ko icod karde, subsidon hədəfin karde iyən çoknə iğtisodiyə inkişofi ziyod karde barədə ıştə bərnoməon elan və co namzədon bəyon bıə vindemoi tənğidışon kardə.

6 qılə namzədon ijən səçıni 2 minə hissədə ıştə omə ehtımaliyə dıvləti barədə bə sənayeədə inkişof, iğtisodiyə fəsodi məhv karde, maliyə nizom və sistemi isloh karde, iğtisodədə befoydə pulon ziyodətiku kam karde, maşin soxte keyfiyəti əlovə karde ijən bə texnoloqiyaon əsos bıə şirkəton miğdori ziyod karde işorəşon kardə.

İronədə prezidentəti 12 minə dıvrə səçın omə cumə ruj(Mayə manqi 19) bərpo bəbe.