İrəvoni İMT-ədə doə çəşnavi

İrəvoni:Təcavuzi holədə əmə ğətiyyətinə cəvob bədomon

İroni İslomi Respublika İbıə Milləton Təşkilotədə bıə səfir və dayimi nımoyəndə Əmir Səyid İrəvoni çe AİŞ prezdenti təhdidon rədd kardə holədə,Tehroni çe mıhoribə təşəbbuskor nıbey,lakin bə har qıləy təcavuzi ğətiyyətinə cəvob doeyış təkid kardə.

İroni İslomi Respublika İbıə Milləton Təşkilotədə bıə səfir və dayimi nımoyəndə Əmir Səyid İrəvoni pencşambə ruji bə İMT Sər katibi və bə Əmniyyət Şura bə AİŞ prezdent Donald Trampi iddiyon və təhdidon cəvobən ıştə vığandə nomədə İroni hiç qıləy canqi bino nıkardey,lakin hərbi təcavuzi holədə ğətiyyətin,mutənosib və bə İMT Nizomnomə 51-ə maddə bob ıştənimıdofiyə huğuği çərçivədə cəvob doeyış elon kardə.

Bə Pars-Tudey doə məlumoti əsos,İrəvoni bın məktubədə bəyonış kardə:In təhdidon çe "İMT Nizomnomə və beynəlxalğə huğuği hoziyə şikilədə darıştey hisob kardey beydə və bo reqiyoni qıləy nuyə behron və ğeyri-sabitəti devri dimbədim omey riski icod kardeydə".