Ayətullah Seyd Muctəba Xameneyei: Hormuz tanqə ijən bəpe dəbastə bımando

İroni Yolə Rəhbər Həzrət Ayətullah Seyd Muctəba Xameneyei ıştə tojə umumi mesajədə bə inğilobi 2qılə nakonə Yolə Rəhbəron yəni İmom Xomeyni iyən Şəhid Xameneyi vırə təkyə kardey vey saxt iyən Həx və millətiku komək tələb kardey sayədə zınəşone.

İroni Yolə Rəhbər çı kişfər və Rəhbəri zumandəti qarantiya kardeyədə bə mərdomi fəxrinə roli iyən məydonədə çəvon bənə Əmmor iştiroki təkid və bə milləti miyono vəhdəti zərurəti işorəş karde.Ə Həzrət əlovəş karde ki bəpe səhnədə təsirinə huzuri xususi Ğuds beynəlxalğə rujədə iştirok milləti diğğət mərkəzədə bıbu.Ayətullah Seyd Muctəba Xameneyei çı İroni ciqəmandə canqəkəyonku ki dıştə zumandə zərbəon dışmoni təcavuz iyən təsəllut yaxud əzizə İroni təcziyə kardey vəy qətşone ijən muğavimət cəhbə canqəkəyonku ğədrdonətiş karde. Ə Həzrət bə umum iştimoiyəti təsirin və peşmonəkə mudafiyə dəvomi təkid iyən əlovəş karde: hukmən Hormuz tanqə ijən bəpe dəbastə bımando.Ayətullah Seyd Muctəba Xameneyei canqi şəroyeti dəvom peydo kardey iyən bə məsləhəti əsos çı dışmoni zəifə noğtəon vədə coqılə cəhbəon oj və fəol kardey həxədə həm təkidışon be.