Canqi diplomatiya dəvom

İron iyən Tırkiyə xarici koon vəziron telefonə votemonışon kardə.

Tırkiyə xarici koon vəzir Hakan Fidan de İroni İslomi Respublikə xarici koon vəzir Seyd Əbbos Ərağçi bıə telefonə təmosədə çe Ğərbi Asiyə hodisəon iyən amerkə iyən sehyonist rejimi bə İroni ələyh hərbi təcovuzi nəticəon barədə bıə qıləy telefonə təmosədə votemon iyən nəzə mıbodiləşon kardə.Ərağçi de təcovuzi dəvomi iyən bə İroni mərdumi ələyh ziyodə cinoyəton mırtəkib beyro ğıvvə vığandey bə izəmon mızokirə tələbış çe amerkəvıjon rəftor iyən sıxanədə bıə ziddiyyəti oşkoə nışonəş zıne iyən intizor şeydə ki,çe məntəğə həmmə kişfəron iyən dınyo iştimoiyyət çe amerkə iyən sehyonist rejimi cinoyət iyən təcovuzon məhkum bıkon və təcovuzkoron bəçəvon bə İroni ələyh kardə təcovuz iyən beynəlxalğə həxon ciddiyə şikilədə darıştey xoto bə məsuliyyəti cəlb bıkon.Hakan Fidan reqiyonədə de bəştə və ya bə bəzi kişfəron bardə mızokirəon işorə kardə holədə,bo canqi oqətey cəhətədə bıə bə çın kişfəri təəhhudi səyon təkid kardəşe.