Bə təcovuzkoron tənbihi dəvom bədomon

Qeneral İbnur-Rıza: Tosə təcovuzkoron tənbihi bə canqi dəvom bədomon.

İroni Mıdofiyə Vəzirəti Səyvon de Tırkiyə mıdofiyə vəziri telefonə qəpədə:İron deştə qırd ğıvvə təcovuzkoron tənbihi royədə iyən çın canqiku qıləy peştıpurin və təsirinə okkuye icod kardey və təcuvuzi təkrori navi qətey koyədə bəştə roy dəvom bədoe.İroni İslomi Respublikə çe amerkə boştə husni-niyyəti isboti cəhətədə etımod nıbey iyən bə məntəğə kişfəron ehtırom nıkardey zınə holədə,de mızokirəon mıvofiğ bıə holədə səyış karde de diyaloq iyən diplomatiyə roy çe canqi soğnə çe reqiyoniku bə diyəro bıko.əmmo çe amerkə iyən sehyonist rejimi bə İroni ələyh hərbi təcovuzi bo İroni İslomi Respublikə ğərəz ıştəni mıdofiyə kardey co qıləy ro bağiş nıhaşte. Tırkiyə mıdofiyə vəzir həm bın telefonə qəpədə de İslomi İnğılobi Yolə Rəhbəri və de İroni sayir rəsmi şəxson iyən hərbi komandanon şəhodəti mınobəti təsliyyət votey,bə İroni ələyh hərbi təcovuzış beynəlxalğə həxon ciddiyə şikilədə darışteyış zıne.