İron iyən Yaponiyə xarici koon vəziron telefonə qəp

İroni xarici koon vəziri Amerkə tərəfo bə İroni zidd təhdidon titorikəş de şiddəti məhkumış kardə.

Irağçi bə canqi cinoyəton irtikob iyən çəy nəticəon bo qırd məntəğə və kulli dınyo normal kardey nisbətədə xəbərdorətiş doə.Ərağçi bımiş təkid kardə ki,bə İroni istehsol iyən enerji infrastrukturon hucumi təhdid,çe canqi cinoyəton iyən qenosidi barizə nımunəş zınə və elonış kardə:Çe amerkə iyən sehyonist rejimi bə İroni məktəbon, noxəşxonəon,ali məktəbon iyən jimoni məntəğəon həmləon kəno bıə jıqo qıləy təhdidon,çe dınyo iştimoiyyəti daxili iyən beynəlxalğə məhkəmonədə bə çın cinoyəton amilon iyən amiron cəzo doeyro bıə məsuliyyəti təkid kardəşe.İrağçi təkid kardəşe ki,İroni İslomi Respublikə deştə qırd ğıvvə,çe amerkə iyən sehyonist rejimi bə İroni İslomi Respublikə ələyh kardə tətbiği canqi vədə bəştə sərzəmini təmomiyyəti iyən milli hakimiyyəti hartərəfinə mıdofiyə koy dəvom bədoe iyən intizorış heste ki,həmmə kişfəron bəştə çe beynəlxalğə əmniyyət iyən sulhi mığobilədə bıə məsuliyyəton iyən təcovuzkoron məhkum kardey koy əməl bıkon.Yaponiyə xarici koon vəziri həm de bə diplomatikə roon çanq ğandey vocibəti işorə kardey,çın kişfəri bo canqi oqəteyro bə reqiyonal iyən beynəlxalğə səviyyədə bıə cari səyon təkid kardəşe.İron iyən Yaponiyə xarici koon vəziron çe konsuləti məsələon xususədə nəzə mıbodiləonışon kardə və çe Yaponiyə xarici koon vəziri çe İroni bə Yaponiyə İronədə jiyə vətəndoon musoidədə bıə həmkoəti xoto ğədrdonətiş kardə.