İron və Fransə diplomatikə cəhdon

İron iyən Fransa xarici koon vəziron telefonə təmosışon be.

İroni İslomi Respublikə xarici koon vəzir Seyd Əbbos Ərağçi iyən Fransa xarici koon vəzir Jan Nuel Baru telefonə təmosədə de amerkə iyən sehyonist rejimi bə İroni İslomi Respublikə ələyh kardə ğeyri-ğanuniyə hərbi təcovuzi ayid çe reqiyoni oxonə hodisəon iyən beynəlxalğə məsələon xususədə diyaloqışon dəvordınə.İroni xarici koon vəziri votəşe:In təhdidon çe canqi cinoyəton iyən qenosidi mislədəy və qıləy surətədə ki, bə əməl boy,beşək de İroni İslomi Respublikə Silohinə Ğıvvon ğətiyyətin iyən har tərəfinə reaksiyə dimbədim bome. Jıqo vəzyəti nəticəon fəğət bə İron iyən məntəğə məhdud nibəbe,bəlkəm bo dınyo ixtisodi iyən enerjiro qıləy destruktivə təsironış bəbe ki,çəy məsuliyyət sırfən bə amerkə iyən bə təcovuzkoron ehdə bəbe.Fransa xarici koon vəzir həm bə canqi bə oxo rosney vocibəti təkid kardə holədə,bə infrastrukturon həmlə xususədə bıə təhdidon bə məntəğədə ziddiyyəti ziyodəti səbəb beyış zınə iyən de diplomatikə roon bə məsələon həlli təkidış kardə.