Bə ərtış ruji xoto İroni Yolə Rəhnəri mesaj

İroni həmmə ğıvvon fərmondə de fərvərdinə manqi 29 nə ruji ,İron İslom Respublika Ərteş ruji mınosibəti mesajış sadir karde.

İroni həmmə ğıvvon fərmondə Həzrət Ayətullah Seyd Muctəba Huseyni Xameneyi qıləy mesajədə de Ərteş ruji mınosibəti bə həmmə ərteşion və çəvon qiromiyə ailəon iyən ironi yolə milləti təbrik voteədə, islomiyə inğilobi səbarzətiş, deşmeni bə ərteşi qi noə zəifəti devrani sə beş zınə və ironi ov ,xok və pərçəmiku mıdofiə kardeyu bə tojə ğəhrəmanətion işorəş karde.Həmçinin de əzəmətinə şəhidə rəhbəri bə dınyo omə ruji sorəqardışi mınosibəti ım mesaji qıləy baxşədə bə çəy fəoliyyəton Ərteşı hofz kardeyu,ərteşı miyono bardeyu nəhzə nəğməon navədə iyən peşo çəy zumandətionru təşkil bə fəoliyyətonku işorəş karde. Mesaji komilə mətn jıqo bino bedəBismillihi Rəhmanu RəhimXıdavəndə Xalığ ə kəsonış pidə ki çəy roədə canq kardedən jı bızın qıləy osınə bina hestin.(kərimə ğıroni şərifə ayə)Fərvərdinə manqi 29 nə ruj İron İslom Respublika Ərteşı ruje ki de mərhum yolə Xomeyni həkimanə tədbiri de ım unvani nom noə be və de həminə mınosibəti bə həmmə ərteşion ,çəvon qiromiyə ailə iyən ironi yolə milləti təbrik votedəm.İslomiyə İnğilobi səbarzəti ərteşı həyati 2 qılə devrə miyonədəy və bəpe əy zəifəti devrani sə be zıne ki çı əv və xoki deşmenon tərəfo iyən daxiliyə xainon dasti bə məmləkəti ərteşion qi noə bə be.Çə devrani bəpeştə Ərteş səhihə vırədə mande və bə pəhləvi tağoti və fəsotinə nizomi aid be əvəzi milləti qamə vənqo (ğucədə) vırəş qəte və həğiğətən Ərteş milləti fərzənde və milləti kəon dıləku icod bə.Ve rəv Ərteş, Amerkə və pəhləvi tağotiku mandə uzvon iyən separatçion navədə mande ki ironi baxş bə baxş karde domoədə bin və ərteş dıştə hərəkəton ğəhrəmanətiş xəlğ karde.İslomiyə ərteş ısət bənə dəvardə 2 qılə canqi ve ğəhrəman ıştə ov,xok və pərçəmiku mıdofiə kardeədə və bə ilahi iyən ıştə milləti zumandətion peşt-pur beədə izdihamin və zumandə səfonədə bərobər coqlə silohinə ğıvvon mucahedon kənoədə kufr və istikbarı navədə bıə 2 qılə ərteşədə pencə bə pencəş jə və çəvon zəifəti iyən zəlolətış dınyo çəşon vədə oşkoş karde.Jəqo ki çəy dıronon bənə avəçəkə bə amerkəvıjon iyən sioniston qınedə, çəy ğəhrəmanə dıyo ğıvvə hozzıy tojə məğlubiyətion bə deşmen nışon bıdə.Co tərəfədə fərvərdinə manqi 29 nə ruj devrani yeqanə, çəmə əzəmətinə şəınış bıə rəhbəri bə dınyo omə ruje, həmonə şəxsiyyət ki inğilobi nav 10 sorədə ərteşı hifz kardeyu , çəy miyono bardeyu bıə nəhzə nəğməon navədə mande və peşo mıxtəlif cəhətonədə çəy zumandətion inkişof doeyu cəhdış karde.Şək ni ki milləti tərəfo ım əslımandə təşkilati mıxtəlif cəhətonədə nav şe iyən inkişofinə xət ki məmləkəti şərğo tosə ğərb iyən şimalo tosə cənub mıdofiə kardedə bəpe çimisə ve təğib bıbo və de Xıdavəndə Xalıği izni qıləy nezə zəmonədə lozim bə tədbiron çəy bə nəticə rosneyu elon bəbe.Im roədə dığğət bə ğəhrəmanon sima ki dəvardə 50 sorədə mudiriyyəti mıtəmadiyə nəslonədə, ərteşışon hidoyət kardə və xəyli bəvonku bə şəhodət rəsən və çəvon bərnaməon və hərəkəton bənə çəvon yol və xolisə məromi , dərs bıdə və eyne holədə silohinə ğıvvon həmmə baxşonədə ilhom əbaxş bə.Yoloni bənə Ğərəni,Fəllahi, Namco, Fəkori, Babayi,Səttari, Ərdestani və Səyyad Şiraziku qətə tosə çəy oxonə məşhurə şəhidon Seyd Əbdulrəhim Musəvi və Əziz Nəsirzadə.Mıtəalə Xıdo səlom bə İron İslom Respublika ərteşi həmmə mucahedon, qeneralon və fərmondəonku qətə tosə kadron və əskəron iyən çəy be nomə əskəron və mıtəalə Xıdo səlom bə çəy həmmə ğəhrəmanon iyən veteranon, və Xıdo səlom və xususiyə rəhmət bə həmmə şəhidon qiromiyə ailəon ki Amerkə və sionist rejimi bə ironi yolə milləti zid təşkil bə canqədə bə şəhodət rəsən.Vəssəlamu ələykum və rəhmətullah və bərəkatu