İroni devləti sıxanəvot:Hormozi tanqə bə İroni məxsus mole

İroni devləti sıxanəvoti bəyonlış kardə ki,Hormozi tanqə boçəmə kişfəri qıləy məxsusə mol bə hisob omeydə.

Əy votəşe:bənə həmmə molon ki,bənə qıləy avjori unvoni bo mınosibəton nevon və de co kişfəron mınosibəton tənzimiro bəpe bo ın luki qıləy məxsusə status icod kardey bıbu. Bə Pars-Tudey doə məlumoti əsos,İroni devləti sıxanəvot Fatmə Muhocironi de urusə Riyanovosti xəbə aqentəti bıə diyaloqədə əlovəş kardə:Bə Hormozi tanqə hakim bıə huğuği status çəmə devləti həmkoon siyosi,ixtisodi iyən huğuği sahəonədə iyən nizomi kuliyyotədə tərif və tənzim bəkardeyn.Muhocironi çın diyaloqi coqlə baxşədə çe amerkə prezdenti təhdidamizə sıxanon barədə bəyodış dənoə:Çe təhdidi zıvoni zəmon bə oxo rəsə iyən dınyo çandə sorone səy kardedə bo iyande çe mıtəğobilə ehtırom iyən dərki zıvoniku istifodə bıkon.Əy əlovəş kardə:binobərin təhdidi zıvoni oko doey və əv həm,bənə bəşəri həmməysə kanə sivilizasiyəonku qıləyni bıə çe İroni mədəniyyəti təhdid kardey,hədərə və bihudəy.