Pezeşkiyan: mızokirə kardəkəson, İroni səbarzətiku dənibəvardemon

İroni İsomiyə Respublikə prezdent, Pezeşkiyan təkidış karde ki, mızokirə kardə kəson İroni əzəmət və səbarzətiku dənibəvarden.

Bə pars-Tudey raporti əsos və bə tele rədiyo xəbə mərkəzi nəğli istinod İroni prezdent Məsud Pezeşkiyan zinə Tehron iyən Vaşinğtoni miyono bə dəvardə mızokirəon işorə kardey votışe: hozzımon ki, bə dınyo xatrcəməti bıdəmon ki, bə Atom siloh dumo nimon. İron məntəğədə bə nuruməti dumo ni. In seonist rejime ki, har fırsətiku bo canq və nuruməti bəji oqəteyo istifodə kardə. Pezeşkiyan İroni İslomiyə Respublikə tele rədiyo vindemon kardey kənoədə təkidış karde ki, əmə və mızokirə kardə kəson ıştə səbarzəti iyən əzəmətiku dənibəvardemon. İyən Məsud Pezeşkiyan de İroni İslomiyə Respublikə təşkiloti rəyis Peyman Cebeli və cəmi mudiron vindemonədə, dəvardə canqədə məlumat rusniye iyən rəvuyət bəyon kardey və milli medya məcmuə cəhd iyən cihodiku ğədrdonətiş karde və votışe: İrondə milli əmniyət ali şura çərçivəku xaric və de İslomiyə İnğilobi Rəhbəri izn və həmohənqəti nıbe heç qılə ğərol qətə nibəbe.