Pezeşkiyan: tojə təşkil bə roziyəti, ironi milləti mığavimət iyən tov varde nəticəy

Bə Pars Tudey xəbəron əsosi İron İslom Respublika prezdent de ironi yolə mərcə təğdilonku qıleni Ayətullah uzma Şubeyriye Zəncani vindımonədə deşmeni stratejikə məğlubiyətdə bə milləti mığavimət karde təin bıkə roli təkid kardeədə tojə roziyəti və çəy nəticədə oj bıə roonış ironi milləti mığavimətiku iborətış zınə.

Bə telerədyo aqentəti xəbəron əsosi İron İslom Respublika prezdent Məsud Pezeşkiyan bə Ğom ostani ıştə səfəri dəvomədə de əzəmətinə mərcə təğlid Ayətullah uzma Şubeyri Zəncani vindımon və votımonış karde.Pezeşkiyan ım vindımonədə bə dəvardə manqon əvəzon və hadisəon işorə kardeədə deşmenon təziğon və təhdidon vədə ironi milləti tov vardeku ğədrdanətiş karde və votışe: ım tojə canqədə hərçand deşmenon əzəmətinə şəınış bıə rəhbəri, vəziron və fərmondəon , elitəon və hətta çəmə şaqirdonışon bə şəhodət rosni əmmo millət, silohinə ğıvvon və ironi devlət de zumandəti iyandı kənoədə məmləkətiku muhafizəşon karde və çəvon hədəfon bə nəticə rəse icazəşon nıdo.