Pezeşkiyan:Əmə çı İroni xalği huğuğonku hiç vaxti quzəşt nibəkardemon

Pars Tudey-Bə İron iyən AİŞ miyono mızokirəon işorə kardə İroni prezdenti votəşe:Əmə mızokirəon bə İroni səbarzəti,məsləhət,mudrikəti və ləyoğəti əsosən binomon karde və çəmə diplomatikə aparat hiç vaxti çı İroni xalği huğuğonku bə quzəşt nibəşe.

Pars Tudey bə İroni Tele-Rədyo Korporasiya istinodən doə məlumoti əsos,İroni İslomi Respublikə prezdent Məsud Pezeşkiyan ıştə nıtğədə bəyonış kardə:Dışmenon de daxili təzyiğ və sosyal kollaps icod kardey məğsədi bə İroni xalği ələyh tammığyosinə muhoribəşon tətbiğ karde,əmmo İroni istehsolçiyon və sənayeçiyon bə qırd saxtiyon zidd mehkəm mandin və yolə devləton bəştə yavə məğsədon rəsey ko mane bin;tosə ə vırə ki,bo canqi əvəzi bə hartərəfinə əloğə və diyaloqi daxil bey məcbur bin.