Pezeşkiyan: İron hiç qıləy şikilədə çı beynəlxalğə huğuğiku bə kəno hərəkətış kardəni

Pars Tudey-İroni prezident de Yaponiyə Sər vəziri bıə telefonə qəpədə təkidış kardə:İron hiç qıləy şikilədə çı beynəlxalğə huğuğiku bə kəno hərəkətış kardəni və hejo səyış kardə deştə hamsuyəon bıə mınosibəton çok bıko.

Pars Tudey bə IRNA istinodən doə məlumoti əsos,İroni prezident Məsud Pezeşkiyan çoşambə ruji de Yaponiya Sər vəzir Sanae Takayiçi bıə telefon votemonədə bə Yaponiya canqi oqətey zəruri bey anqıl mısbətə fikon xoto təşəkkurış kardə və votəşe:İron hiç qıləy şikilədə reqiyonədə iğtişoş icod kardeyış piyəni və AİŞ və seonist rejimi bə İroni hucumış kardə və İslomi İnğılobi Lideri terror kardə holədə,Minabiku bıə şoqirdon həm daxil bıə holədə veyə rəğəmədə mulki şəxsonış şəhid kardə və mulki infrastrukturon xərobə kardə holədə,reqiyonədə sulh və sabitətiş bəyənde jeyə.